Espiritu Foer Hanesan Lafaek Rai, Gosta Subar An Iha Nakukun

DILI, STLNEWS.co – Tuir Santu Inacio Loyola katak, karakteristika espiritu foer halo an hanesan lafaek rai, neebe gosta subar an iha nakukun, tanba tauk ba naroman.

Kestaun nee hato’o husi Padre, Richardo Pasang SVD, ba STL, liu husi telefone, Tersa (31/08/2021).

“Tuir St. Inacio Loyola, karakteristika espiritu foer ida mak halo an hanesan lafaek rai nian, neebe sempre gosta subar an ho ninia buat aat sira iha fatin nakukun ou iha be merak/foer. Tanba nee nia tauk ba naroman, lialos no transparansia. Saun Paulo konfirma katak kristaun sira laos ema kalan nian ka nakukun nian, maibe ita oan naroman nian no oan loron nian. Ema neebe moris los la tauk koalia los no transparansia. Tanba a verdade é libertadora‟ (kebenaran itu memerdekakan). Ema hanesan nee sempre prontu atu simu Maromak neebe mai iha ema sira leet, maibe ema neebe moris la los sempre gosta lao ba nakukun, tanba tauk atu ema bele hatene nia hahalok aat sira. Ema hanesan nee la livre, tauk ba Maromak nia prezensa,” dehan Pe. Ricarhardo.

Padre hatutan, iha evanjellu ohin loron, ema ida ho espiritu foer hakilar makaas no tauk ba Jesus nia prezensa. Nia hatene katak Jesus Maromak nia Santu, diabu neebe iha ema ida nee nia laran tauk tebes – tebes hodi hanoin katak Jesus atu harahun nia.

“Ita bele hatene katak ema neebe moris ho espiritu foer sempre tauk ho ema sira neebe santu no los. Oan nakukun sira sempre tauk ho oan naroman sira. Ema sira neebe la honestia no sempre halo korupsaun, sempre tauk ho prezensa ema sira neebe honestia no los hanesan ema barak neebe tauk ba Jesus nia presensa. Tanba nee, hahalok honestia, los nomos sai hanesan ameasa ba ema neebe sempre la honestia, hanesan naokten neebe Paulo hatete iha primeira leitura,” dehan nia.

Nia hatutan, nuudar sarani no Maromak oan Presiza nafatin prezensa Maromak nian, atu nunee bele fo influensia iha moris hodi lao tuir Kristu nia hakarak.

“Ita hotu nuudar kristaun mos presiza Jesus iha ita nia moris. Tanba, dala ruma, diabu sira moris iha ita nia an, neebe fo influensia ba ita nia moris, la tuir Maromak nia ukun fuan no nia hakarak. Ita presiza Jesus nia prezensa atu duni sai diabu ou espiritu foer sira atu ita bele halao ita nia misaun no misteriu ho diak no hakmatek. Saun João Climax dehan: Humildade é única coisa que o diabo não consegue imitar”. (Kerendahan hati adalah satu-satunya yang tidak bisa ditiru oleh si iblis),” katak nia.

Iha biban nee padre mos liu husi orasaun, atu husu Jesus Kristu nia prezensa atu halakon hahalok aat iha ema nia moris idak – idak nia.

“Nai Jesus Kristu, Ita boot nia prezensa atu halakon nakukun pekadu iha ami nia isin no klamar hanesan Ita duni sai espiritu foer husi ema iha Cafarnaum. Akompana ami atu ami bele halao ami nia moris foun tuir Ita boot nia hakarak no kuidadu ami husi buat aat sira nia kbiit. Ami harohan nee hodi Nai Jesus Cristu nia naran hamutuk iha Espiritu Santu, amin,” dehan padre liu husi orasaun.*

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: