Espoza PM Kandidata Ba PR, Impaktu Ba PLP

DILI, STLNEWS.co –  Bainhira espoza Primeiru Ministru (PM), Isabel da Costa Ferreira kandidata an ba Prezidente Republika tinan 2022-2027 ho independente sei fo impaktu ba iha Partidu Libertasaun Popular (PLP).

Kestaun nee hato’o husi Konsellu Fundador Rede Observasaun Eleisoens Timor Leste (RONETIL), Laurentino Alves ba STL, liu husi telefone, Domingu (31/08/2021).

“Espoza Primeiru Ministru mak iha vontade atu kandidata an ba PR nee direitu politiku hanesan sidadaun, laiha duvida tanba Konstituisaun Republika Demokratika Timor Leste (K-RDTL) artigu 75 konaba elijibilidade ba sidadaun hotu hodi kandidata an ba PR, maibe outomatikamente iha impaktu ba partidu PLP, se bainhira kandidatura nee reprezenta partidu PLP nian. Hakarak ka lakohi konsekuensia lojika iha mundu politiku mak hanesan nee, ita hotu tenke simu,” dehan  Laurentino.

Nia hatutan, sidadaun se deit iha direitu politiku hanesan hodi kandidata an ba PR, importante mak tuir dalan normal no hetan apoiantes ba kandidatura no iha kapasidade ukun ho diak, nomos iha analiza lei neebe rigor. Husu feto hotu atu nafatin kapasita nia an hodi bele luta ba iha prosesu dezenvolvimentu nasional, tanba Timor nia luta ba independensia partisipa mos husi feto.

RONETIL nia pontu de vista konaba kapasidade kandidatura PR, neebe propoin husi grupu feto sira importante mak mai ho nivel edukasaun ida neebe diak, hatene interpreta no analiza ba lei no situasaun estadu nian, nunee labele fo risku bainhira eleitu nuudar PR. Tanba feto tenke preparadu intermus de kapasidade inklui mos esperiensia servisu.

Ante nee mos husi Movimento Juventude Mileniu (MJM) apoiu espoza Primeiru Ministru, Isabel da Costa Ferreira atu kandidata ho independente ba Prezidente Republika periodu 2022 to’o 2027.

“Ami sei servisu ba proponente no ami fiar katak juventude hotu neebe mak hamahan an iha MJM mais rihun 6 resin, no priense ona rekezitu hodi lori Dra. Isabel ba iha eleisaun prezidensial,” dehan nia.

Nia dehan, MJM ezije atu sai Prezidente Republika ba tinan 2022-2027 tenke iha feto, no kandidata an ho independente, ho razaun tanba realidade kandidatura husi partidu politiku sira bainhira nia hetan ona fatin, desizaun barak neebe nia foti sempre iha interese ba iha grupu partidaria hodi halo buat tuir sira nia hakarak no gostu, hodi transforma rai ida nee ba empreza ho karakter uni pesoal.*

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: