Espoza PR Kontinua Asaun Solidariedade

DILI, STLNEWS.co – Espoza Prezidente da Republika Cidalia Nobre Mouzinho Guterres kontinua halao asaun solidariedade ba vítima afetadu inundasaun neebe akontese iha loron 4 fulan Abril, iha suku Wenunuk, Mantelolaun no Sabuli, Metinaro.

Iha biban Xefe Suku Mantelolaun, Sergio Asis Lopes liu husi aprezentasaun iha Metinaro, Sesta (16/04/2021) agradese ba espoza Xefe Estadu, tanba bele vizita ona povu afetadu inundasaun hodi apoiu aihan bázika, maske la too tuir sasan sira neebe dezastre naturais estraga, importante hakmaan netik sira nia nesesidade ba loron hirak mai.

Komunidade suku Wenunuk no Mantelolaun, hamutuk uma kain 67 mak afetadu makas ba dezastre naturais.

“Ita la haree ba kuantidade, maibe grasa maromak inan nasaun bele sama iha rai Bikia-Metinaro hadi haree rasik ita-nia kondisaun,” katak reprezenta Xefe Suku nee.

Komunidade afetadu ho tristi hatoo sira nia preokupasaun ba dezastre neebe estraga ona sira nia uma no sasan uma laran.

Xefe Suku Sabuli, Jose Maria da Costa Oliveira, agradese ba apoiu husi Prezidente da Republika, tanba apoiu ona aihan bazika.

Iha biban nee espoza Prezidente Repúblika Cidália Nobre L. M. Guterres, hatoo komprimentus no solidariedade Xefe Estadu ba povu iha Metinaro tanba afeta ona husi dezastre naturais, neebe kuaze iha teritoriu Timor-Leste hetan inundasaun.

“Inundasaun ida nee, inundasaun ida boot tebes tanba akontese kuaze fatin barak. Liu liu iha Dili sai sabraut kedas, mota lori uma, rai taka uma no hamate mos ita nia maluk Timoroan balu,” dehan Cidalia.

Ba autoridade lokal agora servisu makaas foti dadus komunidade afetadu hodi hatoo ba governu sentral. Aleinde nee espoza sei hatoo preokupasaun hirak nee ba Prezidente Repúblika Francisco Guterres Lú Olo hodi trata ho Primeiru Ministru Taur Matan Ruak.

Apoiu neebe mak Prezidénsia Repúblika apoiu hanesan mak fos, supermie, sabaun, mina, masin no nesesidade seluk.*

Reportajen: Emerenciana Pinto
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Kazu Espoza Teofilo Caldas; GMPTL Husu Mane Labele Sama Parseira

DILI, STLNEWS.co - Relasiona ho kazu Sekretariu Estadu Arte no Kultura (SEAK) Teofilo Caldas nia feen kaben, mate tanba deskonfia tara aan, Grupu Mulheres...

Hasai Imunidade Anabela, Olinda: $40 Deit Lalika Hatan Ba Tribunal

DILI, STLNEWS.co - Parlamentu Nasional (PN) hasai ona imunidade deputada bankada FRETILIN Anabela Savio, atu hodi ba hatan iha tribunal relasiona ho kazu mina....

Situasaun Covid-19, HNGV Kama Mamuk Barak

DILI, STLNEWS.co - Ho situasaun pandemia surtu Covid-19 neebe oras nee Timor-Leste hasoru, halo pasiente barak mak la mai halo tratamentu iha Hospital Nasional...
%d bloggers like this: