Espoza PR Mobiliza Sosiedade Luta Kontra Violensia

A cônjuge do Presidente da República, Cidália Guterres, pediu aos pais que controlassem e cuidassem das crianças, sobretudo no uso das redes sociais, durante a crise sanitária provocada pela covid-19. (Mídia PR)

DILI, STLNEWS.co – Espoza Prezidente Republika, Cidalia Nobre Lopes Mouzinho Guterres, sei mobiliza sosiedade, atu luta kontra violensia hasoru feto no labarik.

Iha biban nee Espoza hatoo hakuak ba labarik feto no konvidadus neebe marka prezensa hodi selebra loron mundial ba labarik feto, neebe monu iha loron-11 Outobru 2020.

“Nuudar espoza Prezidente Republika, hau hakarak halao komprimisu polítiku Prezidente nian ba mobilizasaun sosiedad,e atu luta hasoru violensia hasoru feto no labarik,” katak Espoza liu husi diskursu, bainhira partisipa lansamentu programa “TATOLI BA CIDALIA” koperasaun ho Plan internasional Timor Leste iha Novo Turizmo, Kinta (08/10/2020).

Nia dehan, nuudar Embaixadora ba asuntu ida nee, GAAC, Plan Internasional, iha fulan hirak liu ba halao seminariu kona ba programa prioridade neebe Embaixadora sei halo iha tempu oin mai.

Tanba nee liu husi oportunidade ida nee hakarak fahe asuntu rua ba Partisipante sira atu haree hamutuk, hanesan liga ba selebrasaun loron mundial ba labarik feto, iha relasaun ho surtu COVID-19, ho nia tema prinsipal mak “Freedom online” no mos kona ba programa advokasia Tatoli ba Cidalia.

Cidalia esplika iha asuntu primeiru Media Online mak dalan alternativa ba responde problema lockdown iha tempu difisil ida nee, tempu neebe ema hotu iha mundu, luta hasoru surtu COVID-19 iha limitasaun ba movimentu ema nian, iha limitasaun ba espasu nunee durante lock down, sira ladun iha oportunidade atu espresa sira nia-an iha atividade extra hanesan arte, desportu, siensia, atividade relijiosa sira hela iha uma, no uza media online hanesan dalan alternativu hodi hetan aulas husi professor sira no halo komunikasaun ba malu.

“Iha Timor-Leste no mundu, ita observa ho dadus neebe mak Plan Internasional aprezenta liu husi peskiza iha nasaun 22 hatudu katak, jovens iha preferensia utiliza midia hanesan Facebook, Whatsapp, Twiter, Istagram no Tic Tok,” Cidalia esplika.

Teknolojia midia online tuir inan ba nasaun nee katak, hanesan tudik neebe kroat ho matan rua, ida iha parte pozetivu no nia vatanjen, katak bele iha limitasaun ba movimentu maibe bele dada mundu tama iha ema nia uma ka fatin, labarik feto sira bele kontinua hetan asesu ba informasaun edukativu eskola nian, no programa sira ho lalaok pozetivu atu hasae sira nia konsiensia ho konhesementu.

“Husi parte sorin midia nia desvantajen mos barak, ita hatene katak ho idade Neebé kiik, atu ba idade adultu, labarik sira iha kuriozidade no nesesidade atu buka hatene no koko, forte tebes,” dehan nia.*

Reportajen: Emerenciana Pinto
Editora: Carme Ximenes

LEAVE A REPLY

Please enter your comment!
Please enter your name here