Espoza PR Vizita Uma Mahon F-FCJ Oratoriu Dom Bosco Balide

DILI, STLNEWS.co – Espoza Prezidente Republika, Cidalia Nobre Mouzinho Guterres Lopes halo vizita ba Orfonatu Uma Mahon Organizasaun Fundasaun Forum Komunisaun Juventude (F-FCJ) Oratoriu Dom Bosco hodi fahe nesesidade bazika ba labarik sira iha neeba.

“VIzita ida ohin laos da uluk maibe vizita iha fatin ida nee, maibe mai iha nee dala tolu dala haat ona durante tinan rua no tinan tolu nee ami laiha vizita, tanba programa seluk neebe ami halo, hau hakarak informa ba ita boot sira katak Gabinete Apoiu Atividade Konjuje nia halo parseria liu liu ho parte edukasaun nia hanesan ohin Diretor rasik hatoo katak, parseria ida nee ami fo apoiu atu selu alin kiik oan sira neebe mak eskola hodi seluk eskola nomos sosa material eskola nia hanesan farda no seluk tan,” dehan espoza PR, Cidalia liu husi diskursu, bainhira halao vizita ba iha Uma Mahon F-FCJ Oratoriu Dom Bosco Balide, Tersa (01/06/2021).

Espoza Prezidente Republika, Cidalia hatutan, bainhira halo enkontru, Diretor nia hatoo katak labarik neebe hela iha uma mahon, maioria iha valor neebe mak diak.

“Kuaze alin sira hetan nota diak ida nee hatudu katak, mesmu sira hasoru situasaun defisil iha sira nia moris maibe sira iha vontade nafatin atu aprende no kontinua sira nia estudu, no balun neebe mak familia ekonomia la sufisiente gabinete kontinua tau matan maibe laos tau matan deit iha fatin nee maibe ba mos fatin seluk,” hatete espoza PR.

Nia dehan, espoza mos laos tau matan deit labarik orfonatu Balide, maibe ajuda mos alin sira neebe iha Tibar liu liu ba labarik sira neebe mak babain hili foer no sira neebe ekonomia la sufisiente.

Nunee mos reprezentante Uma Mahon, Ana Paula Maria de Jesus mos lori Organizasaun nia naran hatoo mos agradese ba espoza PR, neebe mak ho laran luak vizita ona sira no agradese mos ba espoza, tanba bele ajuda ona sira liu husi tau matan ba eskola no seluk tan.*

Reportajen: Emerenciana Pinto/Natalia Lopes
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Komunidade Hakbesik An Ba Parte Saude Hodi Simu Vasina

DILI, STLNEWS.co - Komunidade aldeia hat iha Suku Zulo, Postu Administrativu Zumalai, Munisipiu Covalima hakbesik aan ona ba saude hodi simu vasina doze primeiru...

ETDA Rejistu Estudantes 670

DILI, STLNEWS.co - Hahu iha fulan Janeiru too fulan Fevereiru 2021, sentru formasaun East Timor Development Agency (ETDA) rejistu estudantes hamutuk 670, maibe ema...

MAP – FAO Identifika Suku 3 Afetadu Malnutrisaun

DILI, STLNEWS.co - Ministeriu Agrikultura e Peskas (MAP) servisu hamutuk ho Food and Agriculture Organization of the United Nations (FAO), nomos ministeriu relevante identifika...
%d bloggers like this: