Espoza SEAK Tara Aan, Hein Prosesu Autopsia

DILI, STLNEWS.co – Portavoz Komandu Jeral Polisia Nasional Timor-Leste PNTL, Superintendente Xefe Arnaldo Araujo informa, relasiona ho kazu espoza SEAK neebe tara aan iha loron 16 fulan Maiu tinan nee, PNTL halo ona identifikasaun hodi hein rezultadu autopsia.

Nia dehan iha loron Domingu, Polisia hetan informasaun katak deskonfia ema oho aan ou tara aan, iha aldeia 20 de Setembru suku Bebonuk, vitima Levenita Madeira ho idade 40 neebe deskonfia tara aan.

Iha akontesementu nee PNTL to kedas iha fatin krime, hodi halo examinasaun ba vitima neebe maka tara aan ou oho aan.

“Oras ne dadauk ninia prosesu mate isin sei iha hela motael hein deit autopsia hodi bele hatene kauza husi mate nee, nia maka oho aan ka ema seluk maka oho nia ka oinsa,” dehan Superintendente Xefe Arnaldo Araujo ba jornalista sira liu husi konferensia imprensa, neebe halao iha nia knaar fatin Caicoli, Dili, Tersa, (18/05/2021).

Nia hatutan, tanba publiku seidauk hatene ema hotu mos hein deit autopsia maka foin hatene i depiois polisia investigasaun mos sei kontinua verifika ou buka evidensia sira hotu, nunee publiku mos bele hatene katak ema nee mate tanba kauza husi buat ida nee.

“Sim ida nee hakarak hateten katak polisia halo identifikasaun ona ba mate isin neebe maka deskonfia tara aan nee, maibe agora ita seidauk bele fo sai ba iha publiku no sei segredu hela, ita hein deit rezultadu autopsia maka ita foin bele hatene lolos nia rezultadu, tanba PNTL labele atu fo sai no tribunal maka bele deside ida nee,” dehan nia.

Nia hatutan, polisia halo deit identifikasaun depois nain ba prosesu nee maka Ministeriu Publiku, agora dadauk PNTL buka tuir hela tanba saida maka ema nee mate.

“Tanba nee ita hein iha tempu badak ita sei bele identifika katak ema nee se maka oho ka nia maka tara aan rasik,” hakotu nia.

Aleinde nee, antes nee mos, Teleciano Caldas hanesan oan mane boot, haktuir matebian nee sei komunika hela ho nia oan mane boot nee, ho kondisaun neebe maka diak hela.

Maibe derepente deit matebian mate ona ho kondisaun tali iha kakorok no tara iha armariu.

Tanba nee ekipa forensik, Polisia investigasaun kriminal nasional rekolla ona evidensia sira no lori kedas mate isin ba HNGV hodi submete ba autopsia, hodi bele hatene lolos husi matebain nee nia mate.

Reportajen: Efizenia da Costa
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: