Estabelesementu Radio Ba Ema Defisiensia Importante

DILI, STLNEWS.co – Diretora Ezekutiva Radio Komunidade Ba Ema Ho Defisiensia, Emerensiana Alves, hatete, estabelesementu radio ba ema ho defisiensia importante, tanba atu valoriza sira nia lian iha sosiedade.

Nia dehan, atualiza informasaun ba SEKOMS kona ba sira nia preparasaun atu harii radio komunidade ba ema ho defisiensia, ho ninia vizaun no misaun mak atu hamenus no halakon diskrimisaun ba ema ho defisiensia sira iha Timor-Leste liu husi Radio Anin Laloran FM.

“Estabelesementu radio nee importante tebes nunee bele promove atividade advokasia sira liu husi meius komunikasaun radio.” tenik Diretora Ezekutiva Radio Komunidade Ba Ema Ho Defisiensia, Emerenciana Alves liu husi karta komunikandu neebe STL asesu iha komunikadu SEKOMS, Kuarta (05/05/20201).

Diretora nee hatutan, estatutu radio komunidade ba ema ho defisiensia hetan ona legalizasaun husi Ministeriu Justisa inklui sertifikadu ba kriasaun radio komunidade nee, no sira mos iha ona espasu atu halao servisu ho rekursu umanu neebe sufisiente hodi produs programa sira.

Iha fatin hanesan, Sekretariu Estadu ba Komunikasaun Sosial (SEKOMS), Mericio Juvinal dos Reis “Akara” hateten radio komunidade nee sei jere diretamente husi ema ho defisiensia sira neebe hamahanan iha Fundasaun AHISAUN no SEKOMS sei kontinua akompaina funsionamentu servisu iha radio komunidade nee.

SEKOMS mos apresia ho preparasaun ema ho defisiensia sira, liuliu iha area rekursu umanu no infraestrutura hodi estabelese radio komunidade nee.

Ezekutivu nee realsa SEKOMS sei foo apoiu tekniku no ekipamentu ba radio komunidade ema ho defisiensia nunee bele divulga informasaun no programa sira ba publiku.

Governante nee husu ba radio komunidade ba ema ho defisiensia atu kolabora ho Diresaun Nasional Promosaun no Dezenvolvimentu Media Lokal, nunee bele dezenvolve programa edukativu sira no divulga programa sira konaba misaun no vizaun ema ho defisiensia nian, aleinde programa entretenimentu.

Iha biban nee, Diretor Nasional Promosaun no Dezenvolvimentu Media Lokal, Paulino Kintas hatete teknikamente DNPDML prontu atu fo apoiu ba radio komunidade ba ema ho defisiensia hodi dezenvolve no dezena programa sira neebe atu publika.

Paulino Kintas afirma, ema ho defisiensia sira nia lian importante tebes hodi kontribui ba prosesu dezenvolvimentu nasional.

Reportajen: Maria Tavares
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: