Estadu Emerjensia, Defisiensia Sai Vuneravel

Diretor Asosiasaun Halibur Defisiensia Matan Timor Leste (AHDMTL), Gaspar Afonso. (Foto: STL/Maria Tavares)

DILI, STLNEWS.co – Implementasaun Estadu Emerjensia no serka sanitaria iha Dili, halo ema ho defisiensia sira sai vuneravel.

Preokupasaun nee hato husi Diretor Asosiasaun Halibur Defisiensia Matan Timor Leste (AHDMTL), Gaspar Afonso, ba STL iha nia knaar fatin Manleuana, Dili, Sesta (12/03/2021).

Gaspar hatete, situasaun hotu hotu nee vuneravel liu mak ema hoo defisiensia tanba, ema ho defisiensia labele halo movimentu barak tanba implementa estadu emerejensia, agora tama tan serka sanitaria iha Bobonaro no Covalima, agora mai tan ona iha Dili, ema ho defisiensia sira atu halo movimentu oinsa.

“Ami sira deit iha organizasaun defikuldade oi-oin, oinsa tan sira neebe mak hela iha area rural, tanba nee mak atu husu ba governante sira atu haree situasaun sira nee halo diak” dehan nia.

Responsavel nee hatete, AHDMTL halibur ema lubuk ida total 35, feto 21 noo mane 14, sira nee lori mai husi 13 munisipiu. Sira nia fatin feto nian ketak, mane nian ketak, nee mos AHDMTL aluga edifisiu ida nee, fulan fulan tenke hasai osan ba aluga uma deit mak total osan US$950, seidauk sura sira nia nesesidade lor-loron, too agora orsamentu 2021 AHDMTL nia proposal tinan tinan sempre hetan apoiu husi MSSI, too agora seidauk hatama tanba deit situasaun hirak nee.

“Sei serka sanitaria nee kontinua, Covid-19 nafatin aumenta, AHDMTL atu haruka sira atu fila ba foho mos la iha kbiit atu selu transporte ba sira, tanba nee mak husu Primeiru Ministru ho nia membru governu sira atu hare situasaun nee hoo diak, ho intensaun diak atu prevene covid nee ba populasaun, maibe parte seluk povu infrenta hela situasaun seluk, ezemplu labele halo movimentu no la hetan rendementu i labele sai ba buka hahan,” dehan nia.

Reporatjen: Maria Tavares/Santina Castro
Editor: Ekipa STL

LEAVE A REPLY

Please enter your comment!
Please enter your name here