Estadus Unidus Fornese Fundu Adisionál Millaun US$ 2.3 Ba TL Luta Hasoru Covid-19

DILI, STLNEWS.co – Estadus Unidus nian iha Timor Leste, liu husi Ajensia Estadus Unidus ba Dezenvolvimentu Internasional (USAID)  Anunsia Fundu Adisional millaun US$ 2.3 ba Timor Leste hodi luta hasoru Covid-19 no haforsa seguransa saude nian.

Liu husi komunikadu neebe STL asesu iha loron Sesta nee (10/09/2021) katak, fundu foun nee sei uza ba harii fasilidade saude hodi permite ho diak liuvtan, hodi governu Timor Leste salva ema nia moris.

“Dezde pandemia nee hahu, Estadus Unidus servisu ona hamutuk ho Timor Leste hodi luta hasoru Covid-19, inklui fornese millaun US$ 4 iha asistensia neebe kritika tebes,” dehan liu komunikadu imprensa.

Kompromisu millaun US$ 2.3 nee sei fornese finansiamentu hodi hahu servisu ba projetu tolu hanesan, harii fasilidade izolamentu iha Baucau, no harii fasilidade izolamentu sira iha hospital rejional ida iha Baucau neebe sei ajuda trata pasiente Covid-19 no bele hamenus problema iha fasilidade saude atual sira.

Aleinde nee, Harii Unidade Movel ida ba kuidadu intensivu iha Dili, reforsa Timor Leste ninia kapasidade atu fornese kuidadu saude intensivu ba pasiente Covid-19 no populasaun sira seluk neebe ho kondisaun saude vulneravel.

Reprezenta esforsu tomak husi governu Estadus Unidus hodi apoia Timor Leste, fundu neebe anunsia iha ohin loron nee fornese husi misaun Estadus Unidus nian iha Timor Leste, liu husi USAID no Komando Indo-Pasífiku Estadus Unidus kolabora hamutuk ho Korpu ba Paz. Aspetu sira husi obra nee sei halao liu husi serbisu hamutuk ho UNICEF.

Tuir Enkaregadu Negosiu Embaixada Estadus Unidus iha Dili Tom Daley katak, Estadus Unidus hamriik metin ho Timor-Leste hanesan amigu no parseiru duradouru hodi hamutuk kombate Covid-19.

“Estadus Unidus adopta abordajen abranjente ida hodi hapara pandemia ida nee, halo mitigasaun ba estragu hirak neebe Covid-19 kauza ba ema no sosiedade sira, no reforsa iha nivel globál no protidaun atu hasoru ameasa, kauza husi pandemia iha futuru,” dehan nia.

Nia hatutan, sira kontinua intensifika sira nia asaun hodi ajuda Timor Leste atu salva ema nia moris, tanba ida nee mak buat loos neebe sira presiza halo.*

Reportajen: Santina Castro

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: