Estatistika Aprezenta Dadus 2019

Diretor Jeral Estatistika Timor-Leste, Elias Dos Santos. (Foto: STL/Claudios de Jesus)

DILI, STLNEWS.co – Estatistika Nasoens Unidas no mos estatistika rejionais de partikular husu ba diresaun Estatistika Nasaun hotu, kona-ba saida maka halao ona iha tempo Covid-19. Kuaze nasaun 130 selebra Loron Estatistika Mundial, ho nunee diresaun Estatistika Nasional aparezenta dadus kontas nasionais, dadus komersio no inklui mos dadus kriminal 2019.

Dehan Diretor Jeral Estatistika Timor-Leste, Elias Dos Santos Pereira ba jornalista iha selebrasaun Loron Estatistika Mundial, Tersa (20/10/2020).

Tuir Elias, kada tinan too ona 20 Novembru lorn nee hanesan loron Estatistika Mundial. Tanba nee selebrasaun ba loron estatistika mundial nee laos husi Ministeriu Finansas deit, maibe informasaun husi Nasoens Unidas katak kuaje iha pais 130 hola parte hodi selebra loron estatistika mundial.

Iha selebrasaun loron mundial estatistika tinan nee espesial oituan tanba ita hotu hatene katak iha 2020 ita infrenta hela Covid, tanba nee maka Estatistika Nasoens Unidas no mos estatistika rejional partikular husu ba diresaun estatistika nasaun hotu, kona-ba saida maka halao ona iha tempo Covid.

Nunee mos, loron estatistika mundial tinan ida nee sei halo lansamentu ba publikasoens importante balu hanesan kontas nasionais 2019. Tanba nee, diresaun Estatistika sei aprezenta dadus komersio 2019, dadus IPK too 2020 inklui mos dadus kriminal 2019.
Nunee mos kona-ba mapa mentu ba aldeia neebe diresaun Estatistika prepara ona, hodi bele halao didiak ba sensu 2021.

Tanba saida maka baliza, mapa ba Aldeia nee importante, tanba dala barak bainhira ekipa estatistika tun halao sesus baze, xefe suku sira sempre komplen tanba iha Timor ema nee hela iha fatin seluk mos nia harak ba rezistu iha fatin seluk.

Diretor Jeral Estatistika, mos informa katak dadus estatistika ba 2019 nian nee Timor iha 1.8 % kompara ho tinan 2017 iha -3. 8%, no iha 2018 -0.2%.

Portantu nia cresimentu nee neneik, tanba sobre 1.8% kontinuasaun husi setor publiku 5.2%, no setor privado iha 3.2% tamba setor privadu sira defende ba setor publiku. Por exemplo projeitus sira neebe lao persiza iha finansamentu hodi bele lao.*

Reportajen: Claudios de Jesus
Editor: Ekipa STL

LEAVE A REPLY

Please enter your comment!
Please enter your name here