Estende EE Larezolve Covid, Maibe Hamosu Problema Hamlaha

DILI, STLNEWS.co – Tuir Xefe Bankada CNRT, Duarte Nunes katak ho desizaun governu neebe estende estadu emerjensia (EE) beibeik larezolve problema Covid-19, maibe hamosu fali problema barak no povu hamlaha iha fatin-fatin.

Xefe Bankada nee dehan, estadu emerjensia agora estende tan ba dala 14, hanoin tempu ona atu halo avaliasaun ba desizaun politika neebe estadu halo.

“Hau hanoin estende EE se ita analiza negativu maka barak, tanba EE la rezolve problema corona, maibe ita hamosu tan problema maka barak ema hamlaha depois ho dezastre naturais neebe too agora ita seidauk rezolve nee ita tenke rekonese situasaun sira nee, labele taka matan hodi dehan tenke hanesan nee maibe la rezolve problema no laiha solusaun,” dehan nia ba jornalista sira iha PN, Kuarta (26/05/2021).

Nia dehan, tenke buka estratejia foun, no governu tenke iha ona kapasidade atu haree situasaun sira nee para hodi fo solusaun. “Ita ikus liu maka hetan problema barak ba povu ida nee, divia aprende ona husi situasaun sira neebe maka nasaun sira seluk hetan ona, depois ita lao diak liu,” dehan nia.

Deputadu nee hatutan, governu liu husi MS halo analiza didiak Covid-19 nee mai oho maka ema idade sira no ema sira neebe maka ho moras sira, entaun bele identifika sira iha fatin-fatin depois halo swab tiha ba sira muda ba fatin neebe maka seguru nee maka munisipiu, no garante katak corona sei la tama entaun muda sira ba iha neeba bele rezolve problema iha Dili laran.

Tanba joven sira bele kona depois halo izolamentu loron 14 diak fali, agora sira neebe maka vuneravel ka sira neebe ho moras nee tenke indentifika hodi buka fatin iha munisipiu sira neebe referal hodi muda sira ba iha neeba.

Iha fatin hanesan Xefe Bankada Frente Mudansa, Isabel Pereira hatete estensaun EE presiza tenke kontinua nafatin hodi bele limita sidadaun ninia direitu, hodi bele halo sirkulasaun no direitu seluk neebe maka fundamentu ba ema nia moris.

Maibe problema ba iha implementasaun nee rasik ba iha regras EE durante nee la tuir duni ba iha regras neebe divia implementa duni, hanesan limita diretus ba sidadaun sira neebe maka lolos sira bele ejerse nafatin direutu sira nee.

Hanesan buka vida moris lolos labele limita, maibe buka maneira ida hodi halo implementasaun lei nee ho didiak i rigorozu, para ema bele halao sira nia servisu no buka moris nafatin.

“Maibe ita labele limita fali ema atu buka sira nia osan ba moris loron-loron ka atividade ekonomia nian, hanesan problema iha munisipiu Ermera neebe agora iha periodu ema koleta kafe ona maibe ho EE no SS limita tebes populasaun sira iha Ermera,” dehan nia.

Aleinde nee Xefe Bankada FRETILIN, Francisco Miranda Branco, rejeita lakohi fo komentariu relasiona ho estensaun EE ba dala 14 nian.*

Reportajen: Domingas Soares/Guilhermina Franco
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Aimoruk La Too, Komunidade Buruma Balun La Vasina

BAUCAU, STLNEWS.co - Komunidade iha Suku Buruma antusiasmu tebes atu simu vasina kontra Covid-19, maibe aimoruk la sufisiente, nunee balun deit mak simu vasina...

Reativa Eskola Iha Baucau Sei Marka Audensia Ho MEJD

BAUCAU, STLNEWS.co - Diretor Servisu Munisipal Edukasaun, Juventude, no Desportu (SMEJD) Baucau, Segunda semana oin sei marka audensia ho Ministeriu Edukasaun, Juventude, no Despostu...

Komunidade Hakbesik An Ba Parte Saude Hodi Simu Vasina

DILI, STLNEWS.co - Komunidade aldeia hat iha Suku Zulo, Postu Administrativu Zumalai, Munisipiu Covalima hakbesik an ona ba saude hodi simu vasina doze primeiru...
%d bloggers like this: