Estende KO Presiza Kria Kondisaun Ba Povu

DILI, STLNEWS.co – Governu liu husi reuniaun Konsellu Ministru (KM) kontinua estende Konfinamentu Obrigatoriu (KO) iha Munisipiu Dili, presiza kria kondisaun ba povu.

Xefe Suku Colmera Armenio da Silva hatete, KO kontinua  ka la estende nee kompetensia governu no lei ema hotu hakruuk, maibe kuandu governu atu aplika KO enjeralmente haree ba kondisaun povu nian.

“Ita hotu bele kumpre regra ka lei neebe iha, liu husi Estadu Emerjensia (EE) ka Konfinamentu Obrigatoriu (KO), maibe nesesidade povu nian oinsa, ho ida nee mak hanesan ita halo, maibe laiha seriedade signifika katak, tau lei rigorozu ba ema hotu, maibe kontinua fasilita kontribui ema sei tama sai, tanba nesesidade mak obriga,” hatete Xefe Suku Colmera Armenio da Silva ba STL iha knaar fatin Colmera, Dili, Kinta (02/09/2021).

Nia hatutan, husi inisiu governu aplika KO rigorozu, tenke kria kondisaun ba povu, para ema labele book an ka sai husi uma, depois situasaun normal mak governu tenke halo avaliasaun.

Iha fatin – fatin mosu kritika, halerik no sentimentu nuudar umanu, maibe ema hotu tenke hakruk ba lei, tanba ema hotu iha lei nia okos, laiha ema ida iha lei nia leten.

Agora mosu halerik iha fatin hotu kuaze ema hotu la satisfas situasaun ida nee, tanba governu aplika KO tenke trata kondisaun ba komunidade.

Governu estende KO la kria kondisaun, KO nee povu labele sai husi uma, oinsa vizaun enjeral, regra neebe tau nee rigorozu ka lae.

Antes nee Ministru Prezidensia Konsellu Ministru (MPKM) Fidelis Leite Magalhaes hatete katak, hafoin rona aprezentasaun husi sala Situasaun Sentru Integradu Jestaun Krize (SIJK) konaba situasaun epidemiologia iha teritoriu laran, liu – liu konaba variante Delta mak governu deside tan KO ba populasaun Munisipiu Dili.*

Reportajen: Blandina Mauno/Joaninha Belo

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: