Estende KO – SS Presiza Fahe Nesesidade Bazika Ba Povu

DILI, STLNEWS.co – Membru Parlamentu Nasional husu ba governu bainhira estende Konfinamentu Obrigatoriu (KO) no Serka Sanitaria (SS) iha Dili, inklui munisipiu sira seluk nee persiza fahe nesesidade bazika ba povu.

“Relasiona ho KO no SS neebe mak horiseik governu desidi hamutuk nee, ba ami nuudar reprezentante povu hakarak husu ba governu ita bele halo estensaun ba KO ho SS, maibe halo nusa para bele responde nesesidade bazika ba ita nia povu tomak. Liu – liu iha Dili laran nomos iha munisipiu sira neebe mak SS hela, nee governu tenke fasilita aihan ba povu sira,” lia hirak nee hato’o husi Deputadu Bankada KHUNTO Luis Roberto ba jornalista sira iha PN, Kinta (02/09/2021).

Nia haktuir, komesa Estadu Emerjensia (EE) aplika iha Timor Leste nee, populasaun sira barak mak sai vitima, vitima ba covid-19, vitima ba inundasaun, maioria barak mak simu ona ajuda husi governu, maibe iha lubuk ida mak seidauk simu to’o ohin loron.

Nia akresenta, parlamentu husu ba governu osan neebe mak parlamentu aprova hodi aloka ba sira nee tenke ezekuta ho emerjensia, para bele responde ba nesesidade komunidade sira tomak, neebe mak sai vitima ba inundasaun, ba SS nomos ba KO, ida nee responsavel governu nian tenke implementa.

Nia husu nafatin bainhira governu estende KO, SS iha Dili laran no munisipiu seluk tenke iha dever no moral atu responde nesesidade aihan loron – loron nian ba povu.

Nunee mos Deputadu Bankada CNRT Duarte Nunes dehan, bainhira governu estende KO presiza apoiu aihan ba povu.

Nia dehan tan, sulan tiha povu iha uma depois la fo han, bainhira ba fali haree povu sira mate hotu ona, nee mate ba Covid-19 ka, mate ba hamlaha.*

Reportajen: Natalina Lopes/Domingas Soares

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: