Estrada Aat Defikulta Povu

Xefe Suku Bado-Ho’o, Marcos Antonio Ximenes. (Foto: STL/Natalina Lopes)

DILI, STLNEWS.co – Estrada iha Suku Bado-Ho’o, Postu Administrativu Venilale, Munisipiu Baucau, neebe aat defikulta povu lori sira nia produtu ba faan iha merkadu.

Lia hirak nee hatoo husi Xefe Suku Bado-Ho’o, Marcos Antonio Ximenes ba STL, iha fatin merkadu lama (CCD), Kuarta (23/12/2020).

“Hau hanoin preokupasaun neebe ami infrenta iha iha Munisipiu Baucau, Postu Administrativu Venilale, liliu suku Bado-Ho’o, maka estrada neebe at durante tempu Indonezia mai too agora, nunee defikulta povu atu lori produtu ba iha merkadu,” dehan Marcos.

Nia dehan, suku Bado- Ho’o iha aldeia 5 neebe distansia lahanesan, liliu ba aldeia ida naran Waibobo ninia distansia mai iha suku 12 km, iha aldeia Waikana nee ninia distansia mai iha suku 10 km, aldeia Payatula nee nia distansia mai iha suku 8 km, nomos aldeia Waibela oli ninia distansia mai iha suku 6.5 km, aldeia neebe besik suku maka aldeia Uma Anaiku.

“Total populasaun iha suku Bado-Ho’o hamutuk 2.636 nee total hamutuk iha aldeia lima nee. Hau hanoin iha suku Bado-Ho’o iha 95% hetan hotu tiha ona elektrisidade, uma neebe dook husi estrada maka seidauk asesu ba elektrisidade,” katak nia*

Reportajen: Natalia Lopes
Editora: Carme Ximenes

LEAVE A REPLY

Please enter your comment!
Please enter your name here