Estrutura PD Hasoru PR, Apresia PR Promulga OJE 2021

Estrutura Partidu Demokratiku hasoru malu ho PR no iha biban nee PD apresia tanba Prezidente Republika Francisco Guterres Lú Olo promulga ona Orsamentu Jeral Estadu 2021. (Foto: Media PR)

DILI, STLNEWS.co – Estrutura Partidu Demokratiku hasoru malu ho PR no iha biban nee PD apresia tanba Prezidente Republika Francisco Guterres Lú Olo promulga ona Orsamentu Jeral Estadu 2021.

Estrutura Partidu Demokratiku (PD) neebe mak hasoru malu ho PR Lú Olo mak hanesan Prezidente PD, Mariano Asanami Sabino, Deputadu Adriano do Nascimento, Sekretariu Jeral Antonio da Conceição Kalohan, hodi komprimenta boas festas natal no tinan foun ninian no mos apresia mos ba Xefe Estadu tanba promulga ona Orsamentu Jeral Estadu (OJE) 2021.

Bainhira remata hasoru malu ho PR, Sekretariu Jeral PD Antonio da Conceição Kalohan ba jornalislista iha Palasiu Prezidente Bairru Pite, Tersa (05/01/2021) hatete agora sei iha hela periodu natal no tinan foun ninian, Partidu Demokratiku (PD) antes natal haruka tiha ona karta ida atu husu audensia ho Prezidente Republika Francisco Guterres Lú Olo atu hatoo komprimentus boas festas natal ninian.

Maibe iha biban ida neeba laiha oportunidade atu hasoru entaun foin hodi seim husi Palasiu Prezidente ninian telefone atu PD bele mai hasoru malu ho Xefe Estadu hodi hatoo PD nia felisitasaun natal no mos tinan foun ninian ba Xefe Estadu.

Sekretariu Partidu PD nee hatutan, sira hanesan bankada Iha Parlamentu Nasional apresia mos ba PR nia politika neebe promulga OJE 2021.

“Tanba nee hanesan bankada ida iha Parlamentu Nasional mai mos fo apresiasaun Xefe Estadu ninia aktu polítiku neebe halo promulga tiha ona Orsamentu Jeral Estadu (OJE) 2021 ninian, hanesan Prezidente diak ida ba ita nia povu tomak,” dehan Antonio.

Sekretariu hatutan, tanba fo loloos iha fim do ano neebe fo esperansa ba povu neebe agora daudauk sente hela problema Covid-19, nunee halo ema hotu-hotu atrapalladu, maibe iha esperansa ida dehan biar Covid-19 nee iha, maibe sei iha esperansa halo dezenvolvimentu, depois ekonomia liu husi OJE.

Iha enkontru Xefe Estadu husu atu Partidu Demokratiku kontinua ho nia pozisaun polítika ida fo apoiu ba inisiativa sira neebe diak ba rai ida nee ninian.

“Ami kompremete katak ba nasaun ami fo ona buat neebe ami tenke fo ba povu. Partidu Demokratiku manifesta ida nee iha ninia votu sira neebe fo iha OJE 2020 ninian, nunee mos ba 2021 aktus polítiku seluk neebe Partidu Demokrátiku iha,” katak nia.

Iha biban nee kalohan mos hatutan konaba remodelasaun, ida nee kompetensia husi Premeiru Ministru Taur Matan Ruak. PD laiha kbiit atu koalia kona-ba remodelasaun tanba nee laos kestaun Partidu Demokratiku ninian maibe kestaun governu, estadu ninian.

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here