Estudante Lakumpri Protokolu OMS, PNTL Sei Halo Atuasaun

DILI, STLNEWS.co – Estudante sira neebe lakumpri protokolu Organizasaun Mundial Saude (OMS) neebe fo sai ona, Polisia Nasional Timor Leste (PNTL) sei halo atuasaun tuir lei.

Dehan Komandante Polisia Nasional Timor-Leste (PNTL) Munisipiu Dili, Superintendente Xefe Henrique da Costa, ba jornalista sira iha nia knaar fatin Caicoli, Dili, Kuarta (28/04/2021).

“Ida nee tama ona ita nia planu fofoun ita ba esplika kuandu esplika mak la halo tuir depois ita halo medida no halo asaun ruma para lori mai halo identifikasaun ba sira neebe maka la kumpri regras ka protokulu sira neebe maka fo sai ona husi OMS durante Serka Sanitaria nia laran,” dehan Superintendente Xefe Henrique.

Nia dehan, sira hetan kontaktu husi Diretor jeral Edukasaun nian katak, sira preokupa tebes eskola balu neebe mak reativa fali ona ba estudante sira atu halao prosesu aprendijazen, maibe estudante barak seidauk kumpri regras protokolu OMS no MS nian neebe fo sai ona.

Nia hatutan, Polisia Komunitaria halo sensiblizasaun ba estudante sira, atu nunee bele uza maskra, fase liman bebeik, no tenki mantein distansia sosial.

Iha tempu hanesan, Diretor Jeral Ensinu Sekundariu Ministeriu Edukasaun, Joventude, no Desportu, (MEJD), Deolindo da Cruz hatete, agora dadaun ohin ate Segunda Feira tama mai to ohin esforsu ba eskola sira neebe maka hetan suspensaun tanba serka sanitaria nee, sira nia aula balun maka falta no la kompletu no iha balun mos ninia aula sira nee lao normal, tanba nee sira hahu halo avaliasaun ba ezame primeiru periodu.

Nia dehan, nunee professor sira mos bele halo fila fali avaliasaun ba sira nia valor primeiru periodu nian, maibe infelismente sirkular neebe maka munisipiu hatun iha 21 Abril liu ba iha Segunda Feira apartir mai agora observasaun husi polisia sira, komunidade sira, ONG sira, parte seguransa, katak estudante sira mai iha nee lakumpri regras ka protokolu OMS nian oinsa maka bele prevene Covid-19 nian.*

Reportajen: Efizenia da Costa
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Harii Federasaun Tenke Prepara Kondisaun

DILI, STLNEWS.co - Sekretariu Estadu Juventude No Desportu (SEJD), hatete harii federasaun tenke prepara mos kondisaun hanesan tenke iha atleta no treinador rasik. Lia hirak...

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...
%d bloggers like this: