DILI, STLNEWS.co – Lider Nasional Kay Rala Xanana Gusmão husu ba estudante sira atu kontribu ba konstrusaun estadu, tanba futuru rai ida nee iha joven ka jerasaun foun sira nia liman.
“Hau husu ba joven ka estudante sira, imi mak futuru rai ida nee nian, tanba nee tenki fo imi nia kontribuisaun ba konstrusaun estadu, sai instrumentu ba rai ida nee, tanba nee estudante sira tenku estuda, ho nunee labele viola konstituisaun neebe konsagra ona,” dehan Xanana Gusmao, bainhira sai orador ba seminar ho tema “Dezenvolve Konstrusaun Estadu sai Save Neebe Diak Iha Futuru”, seminar nee organiza husi Universidade Dili (UNDIL) iha Centru Convesaun Dili, Sabadu nee (15/04/2023).
Nia afirma, lei neebe estabelese ona nee atu lao tuir, laos atu viola fali, tanba nee husu ba estudante sira atu aprende lei nee ho diak, nunee aban bainrua hola parte iha konstrusaun estadu karik, labele viola lei.
(mad)
