Eletrisidade Mate Persiza Halo Komunikasaun

DILI, STLNEWS.co – Tuir Komisariu Ezekutivu Tekniku EDTL, E.P, Latino Jeronimo haktuir, bainhira ahi mate presiza komunikasaun husi komunidade ba EDTL ho diak para tekniku sira bele halo intervensaun lalais.

Nia dehan, ahi mate hela deit iha Dili no munisipiu, dala barak iha Dili nee iha uma ida ka rua deit mak ahi mate.

“Sira la telefone ba ami nia sentru atendimentu entaun ami la hatene, ho ida nee mak atendimentu nee tarde. Bainhira ahi mate presiza komunika ba malu, kuandu feeder tomak mak mate nee EDTL deteta kedas, tanba ita iha sentru despaisu nasional iha Camea deteta kedas katak, feeder ida nee mate, entaun ami nia tekniku sira halo intervensaun lalais,” dehan nia ba jornalista sira iha Salaun Lux Claritas Formoza, Sesta nee (14/01/2022).

Nia dehan, ho ida nee mak jeneraliza deit katak, kuandu ahi mate bebeik nee dala barak la los, tanba balun tau iha media sosial katak, iha munisipiu ida nee ahi mate semana rua ona, maibe halo kontaktu ba sira EDTL iha munisipiu foin mate oras 2.

Kuandu ahi mate tenke halo uluk manutensaun preventiva para bele evita ahi mate, mezmu ahi mate tenke atende lalais ho seguru no kualidade, para hamenus ahi mate nee kerdizer reseita barak tama.

(nat)

LEAVE A REPLY

Please enter your comment!
Please enter your name here

NEWS UPDATE

Horta Hasoru Malu Ho Rhee In-Yong

DILI, STLNEWS.co - Prezidente Republika (PR), José Ramos Horta, halao enkontru ho Rhee In-Yong. Iha inkontru nee koalia konaba projetu responsabilidade sosial korporativa iha Timor...

MMT Introdus Planu MLC Ba Stakeholder

LIKISA, STLNEWS.co - Mary MacKillop Today (MMT) halao enkontru ho parte interesada (stakeholders) husi parte governu nia reprezenta, Rui da Costa Belo, Visi Prezidente...

Presiza Kuda Unidade Domin Maromak

UATULARI, STLNEWS.co - Joven mak futuru nasaun nian, tanba nee presiza kria pas no unidade Maromak nian iha sosiedade leet. Kestaun nee hatoo husi, Madre...