DILI, STLNEWS.co – Iha loron 4 fulan Maiu tinan 2022 Estadus Unidus Amerika (EUA) liu husi Ajensia Estadus Unidus ba Dezenvolvimentu Internasional (USAID – sigle Inglés) anunsia doasaun US$ 500.000 ba Fundus Nasoins Unidas ba Labarik (UNICEF – sigla Inglés) hodi habelar asaun konjunta ba apoiu atu hatan ba Covid-19 nasional iha Timor Leste, inklui distribuisaun vasina sira.
Liu husi komunikadu imprensa neebe STL asesu Kinta nee (05/05/2022), Enkaregadu Negosius Estadu Unidus Tom Daley anunsia hamutuk ona ho Reprezentante País UNICEF Timor-Leste Bilal Durrani.
US$500.000 adisional bazeia ba apoiu mak iha ona husi Estadus Unidus nia apoiu ba UNICEF hodi habelar intervensaun sira hatan ba Covid-19, ajuda ba implementasaun kampanha vasinasaun hasoru Covid-19 no kontinuasaun servisu esensial sira saude maternal, neonatal no infantil. Fundus ne’e sei mellora asesu ba fisilidade bee moos, saneamentu, no ijiene (BESI sigla Tetun) iha Sentru Saude Komunitaria 14 sira (CHC sigla Inglés), advokasia no konsiensializasaun simu vasina no prevensaun Covid-19, no akizisaun suprimentu médiku esensial sira hodi ajuda kontinuasaun servisu saude krítiku sira. Maizumenus populasaun 500.000 mak sei benefisia husi intervensaun sira ne’e.
Kontinua ba pajina 2
