EUA Louva TL Ba Progresu Demokrasia Direitus Humanus

DILI, STLNEWS.co – Estadus Unidus Amerika (EUA) louva Timor – Leste, liu – liu ba iha progresu demokrasia direitus humanus.

Ohin Enkaregadu Negosiu ba Embaixada Estadus Unidus Amerika Thomas Daley, hasoru malu ho Prezidente Parlamentu Nasional (PPN), Aniceto Longuinhos Guterres Lopes iha Parlamentu Nasional (PN).

Tuir Enkaregadu Negosiu ba Embaixada Estadus Unidus Amerika Thomas Daley dehan, Prezidente Parlamentu katak, EUA komprimidu atu hametin amizade no parseria nee  rohan laek ho TL.

“Estadus unidus louva TL ba ninia progresu signifikante, neebe nia halo ona, dezde independensia hodi promove no dezenvolve istoria demokratika sira, no promove direitus humanus,” dehan nia ba jornalista iha PN, Kuarta horiaeik (22/09/2021).

Nia dehan, EUA iha TL ho partilla valores sira neebe, hanesan inklui demokrasia direitus humanus ida nee, sei permiti atu parseria nee kontinua buras no dezenvolve liu tan ba oin.

Aleinde nee nia dehan, relasiona ba prosesu atu hili embaixador foun husi EUA ba TL, sei lori tempu kleur oituan.

Nia hatete, tanba Ministeriu Negosiu Estranjeiru Estadus Unidus nian  sei kompila lista ida, depois sei haruka ba governu iha Casa Branca, Governu Estadus Unidus nian.

Nia tenik, depois husi Casa Branca sei avalia fali kandidatu sira nee, atu hili hodi aprezenta ba sira nia paralelu, depois sei aprosima fali ba Governu TL, liu husi mekanismu ida bolu agrimo katak, sei husu ba Governu TL, ita boot sira aseita ka simu kandidatu ida nee ka lae.

“Hafoin simu ona konfirmasaun agrimo ida nee mak, Casa Branca sei foti definitivu ba kandidatu, ka ami nia parlamentu. No iha ami nia senadu, ami nia komisaun ba asuntu relasaun internasionais, ami nia senadu sei halo fali enkontru ida, hodi halo fali avaliasaun ba kandidatu nee,” esplika nia.

Nia hatutan, entaun komisaun nee mak sei halo votasaun karik, sira konkorda simu kandidatu neebe nomeadu nee ka lae, karik komisaun simu ona kandidatu nee, hotu – hotu vota afavor ona mak, sei haruka fali ba senadu hodi halo votasaun final,” afirma nia.

Nia hatutan, entaun hafoin senadu konfirma ona ema nee definitiva mak, hafoin halo tomada de pose ba embaixador foun nee. Maibe agora seidauk iha serteza to’o bainhira, tanba nee sei lori tempu kleur oituan.

Reportajen: Domingas Soares

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...