EUA-SS Lansa Governasaun Diak

DILI, STLNEWS.co – Embaixada Estadus Unidus Amerika (EUA), hamutuk ho sosiedade Sivil (SS,) lansa atividade advokasia governasaun diak, ba partisipante sira iha Timor Plaza, Dili.

Embaixadora Estadus Unidus Cathleen Fitzpatrick hatete, programa nee realiza tanba, EUA iha relasaun bilateral forte ho Timor Leste dezde independansia no servisu makaas, hodi lori programa signifikativu neebe alina ho governu TL nia prioridade.

“Ami anunsia ona inisiu husi advokasia ONG ba boa governasaun, Sosiedade Sivil dezempena papel importante tebes iha sosiedade demokratiku, tanba nee ohin loron, loron neebe importante atu ita hotu bele partisipa iha lansamentu ofisial ba programa advokasia ONG nee,”dehan Cathleen liu husi dIskursu, bain hira partisipa iha lansamentu atividade advokasia ba governasaun diak, neebe halo iha Timor Plaza, Dili, Segunda (16/11/2020).

Nia afirma dezde tinan 2002, Estadus Unidus investe ona kuaze dolar amerikanu miliaun Atus Lima ba iha Timor-Leste nia dezenvolvimentu iha areas lubuk ida, inklui saude, kresimentu ekonomiku no demokrasia inklui governasaun.

USAID apoia Timor-Leste hodi konstrui ba nasaun ida neebe prósperu, saudavel, no demokratika, liu husi programa hirak neebe haburas kresimentu ekonomiku inkluzivu no sustentavel, espesialmente iha setor agrikultura.

“Onra ida bele mai hamutuk ho ita-boot sira ohin hodi introdús ami-nia programa foun USAID nia Atividade Advokasia ONG Timor-Leste ba Boa Governasaun, neebe nuudar ezemplu ida husi Governu Estadus Unidus nia komprimisu forte kontinua ba Timor-Leste nia kresimentu no prosperidade,”dehan nia.

Embaixadora nee hatuir atividade foun ba tinan lima ho fundu miliaun sia pontu lima $ (9.55,) nee parte ida husi USAID nia prioridade estratéjiku hodi ajuda Timor-Leste alkansa futuru neebe nakonu ho dame no prósperu. Hametin demokratiku no hasae partisipasaun siviku neebe fundamental hodi alkansa objetivu.

Iha fatin hanesan Camilo Ximenes, hanesan Akademi hateten, dezafiu no estratejia advokasia iha TL, tanba konpriende didiak kontiudu de estadu e sosiedade maka luta ba husi sosiedade sivil sira akademia sira nian maka ba moris diak povu nian.

”Hau hanoin dala barak ita konfronta demais ho politika sira, tanba politika sira iha nia planu no komprimisu neebe maka diak, maibe asumi tiha responsablidade dala ruma komprimisu sira nee la sai realidade, ida nee maka dezafiu ba sosiedade sivil sira nomos akademia sira atu halo advokasia, tan nee maka ami propoin ita tenke iha komitmentu neebe importante atu kontinua fo advokasia nafatin ba ita nia governante sira,” dehan Akademia nee.

Nia dehan dala ruma governante sira dehan sosiedade sivil no akademia sira koalia deit, maibe laiha dadus ida, tan nee atu dehan deit katak Sosidade sivil ho academia sira dala ruma tun ba baze halo investigasaun, maibe governu dehan parte rua nee laiha dadaus, no sira koalia hanesan nee tanba atu defende sira nia aan.*

Reportajen: Madalena Horta
Editora: Carme Ximenes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP2

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 2: Drama Stop Bullying https://youtu.be/GDfSwKsB-gQ • Oinsá Hapara Síklu Husi Notísia...

Lei Eleitoral 3 Aprovadu Iha Jeneralidade, Tama Espesialidade

DILI, STLNEWS.co - Parlamentu Nasional (PN) aprova ona proposta alterasaun lei eleitoral 3 (Orgaun administrasaun Eleitoral, Resensiamentu Eleitoral ho Eleitoral Prezidente Republika) iha jeneralidade...

Bankada CNRT Preokupa Funsionamentu Justisa Hasoru CNRT

DILI, STLNEWS.co - Bankada CNRT preokupa funsionamentu setor justisa neebe halo hasoru bankada CNRT, tanba bankada nota iha persegisaun polítika hasoru estrutura no militantes...
%d bloggers like this: