Evita Virus Foun, PN Husu Governu Taka Fronteira

DILI, STLNEWS.co – Reprezentante povu iha uma fukun Parlamentu Nasional (PN) husu ba governu da-8 konstituisional, atu kontinua taka fronteira aero maritima no terrestre, hodi bele evita variante foun Covid-19 deltan, neebe iha nasaun vizinu atu labele tama Timor Leste.

Tuir Bankada CNRT, Deputadu Patrocino Fernandes hatete, haree ba renovasaun ba deklarasaun estadu emerjensia agora ba dala sanulu resin-lima.

“Ami rekomenda no ezije ba Governu atukontinua taka fronteira aero, maritima no terrestre ho nasaun vizinu atu nunee evita varian foun virus corona tama mai iha Timor-Leste,” dehan nia liu husi plenaria extraordinaria estensaun EE, iha PN Kuarta (30/06/2021).

Nia afirma, maibe tenke tau matan ba pesoal sira iha fronteira, fornese fasilidades fatin hela ho dignu, hahan, subsidiu frontline, no ekipamentus protesaun.

Tanba Bankada CNRT lakohi atu ikus mai Governu uza tan razaun varian foun hodi estende estadu emerjénsia no aplika serka sanitaria no konfinamentu obrigatoriu.

Iha fatin hanesan, Deputadu Bankada PD, Adriano do Nacimento, hatete “ami husu governu atu nafatin taka fronteira aero, terrestre, no maritima, atu nunee hodi evita transmisaun husi rai liur,” dehan nia.*

Reportajen: Domingas Soares/Guilhermina Franco
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: