Ezekusaun OJE MOP Atinje 81%, Patrocino: Progresu Servisu La hatudu

DILI, STLNEWS.co – Ezekusaun Orsamentu Jeral do Estadu (OJE) tinan 2021, iha Ministeriu Obras Publiku (MOP) atinje ona 81%, maibe haree ba realidade infraestrutura baziku iha rai laran laiha. Foin dadauk fo sai ona dehan, governu sei dada eletrisidade ba suku sira neebe seidauk asesu nee, maibe fo sai fali dehan kansela hotu.

Lamentasaun nee hato’o husi reprezentante povu iha uma fukun Parlamentu Nasional, Depuradu bankada CNRT, Patrocino Fernandes liu husi sesaun plenaria Segunda nee(20/09/2021) iha Parlamentu Nasional.

“Ita haree povu barak mak halerik tebes konaba eletrisidade, tanba to’o agora seidauk hetan naroman, no governu promete atu fo naroman ba povu iha tinan ida nee, maibe loke tiha tender kansela fila fali, no mosu mai ho razaun oin – oin deit, tanba nee halo ema sai duvidas, projetu foun laiha, maibe MOP nia ezekusaun to’o tiha ona 91%, osan nee ezekuta ba saida, tanba realidade projetu foun laiha,” dehan Deputadu Patrocino.

Nia afirma liu tan, lolos nee ezekusaun sae hanesan nee, progresu servisu iha baze nee, povu mos sente ona, maibe realidade ezekusaun diak, maibe progresu servisu la hatudu buat ida, oinsa atu halo balansu ho osan neebe ezekuta tiha ona.

Iha fatin hanesan, Deputada Olinda Guteres hatete, haree ba ezekusaun orsamentu husi Ministeriu Obras Publiku nian nee hatudu rezultadu diak, maibe povu iha area remotas sei kontinua halerik ba eletrisidade, no iha Dili laran deit mos kalan ida lakan no kalan ida mate.*

Reportajen: Madalena Horta/Domingas Soares

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...