Ezonera Sekjer PN, CNRT Prontu Hamriik Iha Cedelizia Nia Kotuk

Vise Bankada CNRT, Patrocino Fernandes. (Dok: STL)

DILI, STLNEWS.co – Bankada CNRT prontu hamriik iha Sekretaria Jeral (Sekjer) Parlamentu Nasional (PN), sesante Cedelizia Farria dos santos, neebe simu karta ezonerasaun husi Prezidente PN Aniceto Guterres, mezmu nia laos estrutura Partidu CNRT.

Tuir Vise bankada CNRT, Patrocino Fernandes katak, CNRT haree buat ida nee laos notisia foun, neebe ba CNRT atu dehan katak ida nee duni mak karakter FRETILIN, neebe hasai Sekjer PN sesante ida nee mak servisu FRETILIN nian.

Tanba sira hahu hamoos haree iha Ministeriu sira hotu nee sira komesa hamoos no agora hamoos iha PN. Neebe bainhira foti pozisaun risku liu husi korta dalan kinstituisaun nee.

“Cedelizia sei buka lia loos lori ba Tribunal, atu dehan katak, Cedelizia laos kuadrus partidu CNRT maibe ba partidu CNRT ba kualker sidadaun se deit mak hasoru injustisa iha ita nia rain, mak nia buka justisa ba lia loos, CNRT sei hamriik iha nia kotuk”, katak Patrocino iha Bankada PN.

Nia dehan, tuir lei kalae, ba ezonerasaun, tanba Sekjer sesante mai tuur iha Sekjer nee liu husi konkursu publiku, maibe ikus mai PPN hatoo karta ezonerasaun, maibe atu dehan katak ita nia lei neebe aas liu iha Timor-Leste mak konstituisaun, neebe ita nia konstituisaun deit ema ema sei viola ka korta hodi hadau poder oinsa ho rejimentu ka regras PN nian.*

Reportajen: Guilhermina Franco / Domingas Soares
Editora: Ekipa STL

LEAVE A REPLY

Please enter your comment!
Please enter your name here