F-FDTL Foun Kumpre Uluk Regra, Mak Juramentu

DILI, STLNEWS.co – Xefe Estadu Maior Jeneral das FALINTIL – Forsa Defeza Timor Leste (F-FDTL) Tenente Jeneral Lere Anan Timur hatete, membru F-FDTL foun oras ne’e iha Metinaro, maibe sei kumpre regra fulan tolu ou haat mak halo juramentu ba bandeira.

Liafuan ne’e Lere Anan Timur hato’o ba jornalista, bainhira hasoru malu ho Prezidente Republika Francisco Guterres Lu Olo iha Palasiu Prezidensia Bairru Pite, Kuarta nee (29/09/2021).

Nia hatete, hasoru malu ho prezidente la koalia buat barak, maibe informa deit konaba rekrutamentu F-FDTL nian ba Xefe Estadu.

“Ohin ami nain rua prezidente hasoru malu, ami la koalia kleur, tanba informasaun mos oituan, tanba nee mak ami rua koalia lalais, hodi idak – idak halo nia servisu, hau informa deit konaba rekrutamentu iha 27 inkorpora ona kandidatu foun 600, no agora iha Metinaro no sira iha neeba sei kumpre fulan tolu ka fulan haat mak sira presta juramentu ba bandeira, ida nee deit mak hau informa ba Prezidente Republika,“ dehan Lere.

Iha biban ne’e, Tenente Jeneral Lere mos hato’o preokupasaun neebe mak kadetes no forsa militar sira hasoru ba iha Xefe Estadu.

Nia hatutan, orsamentu iha ona, nunee Portu Hera bele simu ro’o rua husi Australia, sei to’o iha tinan 2023 iha fulan Junu ou Jullu.

Iha oportunidade ne’e Prezidente Republika Francisco Guterres Lu Olo hatete, nia rona ona preokupasaun hotu husi Komandante das FALINTIL Forsa Defeza Timor Leste no Xefe Estadu, sei hato’o ba Primeiru Ministru Taur Matan Ruak atu bele buka dalan rezolve problema hirak ne’e.

Tanba orsamentu Jeral ba tinan 2022 nia besik ona, tanba iha fulan Outubru debate ona orsamentu, maibe liu – liu Ministru Defeza mak ba defende orsamentu no presiza saida deit, ne’e Ministru Defeza mak hatene.*

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...