F-FDTL Halao Enkontru Ho Estadus Unidus Amerika

Falintil Forsa Defeza Timor Leste (F-FDTL) halao enkontru liu husi midia telekonferensia ho Forsa Aramada husi Estadus Unidus Amerika (EUA), konaba oinsa atu dezenvolve Forsa Armadas iha Timor Leste. (Foto: STL/Claudios de Jesus)

DILI, STLNEWS.co – Falintil Forsa Defeza Timor Leste (F-FDTL) halao enkontru liu husi midia telekonferensia ho Forsa Armada husi Estadus Unidus Amerika (EUA), konaba oinsa atu dezenvolve Forsa Armadas iha Timor Leste.

Liu husi intervista Xefe Estadu Maior F-FDTL, Brigadeiru Jeneral Calistro Santos Coli “Coliati” hatete, sira halo enkontru liu husi midia telekonferensia hodi halao programa annual, konaba kooperasaun militar entre F-FDTL ho Forsas Armadas husi Estadus Unidus Amerika nian.

“Iha diskusaun nee koalia asuntus barak hanesan teknikus militar, portantu saida maka Estadus Unidus Amerika koopera ho Timor Leste signifika, Estadus Unidus Amerika atu dezenvolve no profesionaliza Forsas Armadas Timor Leste nian,” dehan nia ba jornalista sira, iha Salaun Quartel Jeral F-FDTL Fatuhada, Sesta, (05/03/2021).

Nia dehan, apoiu Forsas Armadas husi Estadus Unidus Amerika nee sei dezenvolve Forsas Timor Leste ninian liliu iha area maritima. Iha tinan ida nee sei avansa fali ba iha area forsa aero ninian hodi bele halo kontrola ba tasi Timor.

“Relasiona ho ita nia autoridade maritima, ho nunee Estadus Unidus Amerika promete sei apoiu ita ho aviaun Cessna ida, hodi halo patrolia ba ita nia tasi,” hatete Brigadeiru Jeneral Calistro.

Reportajen: Claudios de Jesus
Editora: Carme Ximenes

LEAVE A REPLY

Please enter your comment!
Please enter your name here