F-FDTL Kapasita Promosaun Feto Militar Nian

DILI, STLNEWS.co – Feto FALINTIL – Forsa Defeza Timor Leste (F-FDTL), realiza seminariu konaba kapasitasaun promosaun feto F-FDTL, nunee bele partilla sira nia konesimentu ba knaar militar feto nian, liu husi seminariu.

Xefe Estadu Maior F-FDTL Tanente General Lere Anan Timur hatete, feto F-FDTL sira realiza sira nia seminariu ida nee, ho topiku kapasitasaun promosaun feto F-FDTL, neebe mak nesesariu tebes, nunee sira bele iha konesimentu klean ba sira nia servisu feto nian iha militar.

“Ohin feto F-FDTL sira halo seminariu ho topiku kapasitasaun ho promosaun feto F-FDTL. Hau hanoin katak, nesesariu para ita nia feto sira militar hatene didiak nia ema, no nia knaar nuudar faz parte familia ida nian,” dehan nia ba jornalista sira iha Kuartel Jeral Fatuhada, Dili, Kinta nee (23/09/2021).

Nia dehan, feto F-FDTL hanesan forsa ida neebe seidauk boot, sei iha difikuldade barak, liu – liu koalia konaba jéneru, balu bele dehan, bele iha diskriminasaun, tanba feto iha forsa armadas nee sei kiik, maibe hanoin katak, neineikk sei haree kona igualdade jeneru nee, i fo servisu neebe mak serve ba duni feto sira atu halao.

“Hau bele dehan, se tau departamentu ketak, militar nee ita labele kompara ho organizasaun seluk, tanba iha disiplina neebe forte, bele eduka no kapasita sira sai servidor diak liu ba estadu, no ba ita nia rain,” hatete nia.

Iha fatin hanesan, responsabilidade jeneru F-FDTL Tanente Marquita da Cunha hatete, seminariu ida nee hanesan seminariu dahuluk, neebe mak realiza husi parte jeneru nian, objetivu husi seminariu ida nee rasik atu partilla konesimentu ba feto militar sira, nomos knaar no responsabilidade ba sira nia laen, oinsa futuru estabelesimentu jeneru neebe mak iha F-FDTL nee rasik.

Nia hatutan, tanba governu iha politika atu tau konta ba persentajen feto iha instituisaun ho persentajem neebe kiik.*

Reportajen: Efizenia da Costa

Editor: Ekipa STL  

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...