F-FDTL Kontinua Investiga Kauza Asidente Becora

DILI, STLNEWS.co – Komando FALINTIL – Forsa Defeza Timor Leste (F-FDTL) kontinua halo investigasaun hodi buka tuir kauza asidente membru F-FDTL ida ne’ebe mak soke iha Becora.

Kestaun ne’e hato’o husi Vice Xefe Estado Maior-Jeneral das Forças Armadas, Major Jeneral Domingos Raul ‘Falur Rate Laek’ ba jornalista bainhira remata hasoru malu ho Prezidente Republika Francisco Guterres Lú Olo iha Palasiu Prezidente Bairru Pite, Kuarta (20/10/2021).

Vice Xefe Estadu Maior Jeneral ne’e hatete komandu forma ona komisaun konjunta ida atu bele halo prosesu investigasaun ba patrimoniu estadu ne’ebe mak antes ne’e hetan estragu husi membru F-FDTL iha area Becora ne’e.

Nia mos hatutan, iha defikuldade teknika bele konsidera hanesan sala iha prosesu toma desizaun iha depois buka hadia iha tempu ikus.

“Prosesu agora lao dadaun, nuudar orgaun de apoiu ami atu halo komisaun konjunta ida atu buka nia kauza loloos ne’e saida, kareta mak sala ka ema mak sala ka kontratu mak sala, buat sira ne’e hatene ba nia kauza prinsipal atu rezolve no halo investigasaun klean liu tan ” dehan Falur.

Falur hatutan investigasaun ne’e atu bele hatene motivu loloos husi akontesimentu ne’ebe rezulta kareta estadu hetan estragus, maibe ninia prosesu ne’e laos fasil.

“Investigasaun 24 oras ba semana ida no fulan ida halo ona no prosesu naruk laos buat kiik ida, no prosesu administrasaun lei barak tanba ne’e implementa tuir lei,” katak nia.

Iha biban nee Falur mos aprezenta situasaun rai laran liu liu treinamentu ba membru FFDTL to’o iha ne”ebe ona ba iha Prezidente Republika Francisco Guterres Lú Olo.

Nune’e mos Xefe Estadu Maior-Jeneral das F-FDTL,Tenente Jeneral Lere Anan Timur, hatete sei la tolera membru F-FDTL ne’ebe mak estraga patrimonia estadu.

Tenente Jeneral Lere hatete patrimonia estadu ne’e hola ho osan mil maibe estraga tanba deit lanu ne’e ladun diak, tanba ne’e husu responsabilizasaun ba membru ne’ebe mak estraga kareta estadu.*

(eme)

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...