DILI– Iha Loron 6 fulan Marsu tinan ida nee, governu TL ho Australia sei asina akordu Fronteira Maritima, signifika katak iha tempu badak TL sei iha nia Fronteira, tan nee komponente naval prontu atu asegura siguransa ba FM.
Hau hanoin iha tempu badak nia laran ita sei Fronteira Marima tanba nee, ninia implikasaun maka ita iha ona Fronteira tenke iha patroliamentu no kontrola didiak tanba nee maka FDTL kria ona meus ba iha kosta sul oinsa efetibamente ba siguransa,”informa Vice Xefi Estadu Maijor Jeneral F-FDTL, Brigadeiru Filomeno Paixao ba jornalista bain hira hasoru malu ho Prezidente da Republika Francisco Guterres Lu Olo iha Palasiu Prezidensial, Bairu Pite, Kuarta, (28/02/2018).
Nia mos afirma liu tan, akordu ba Fronteira Maritima nee sei asina iha loron nee fulan Marsu, maibe ida nee kestaun politik no knaar FDTL nian maka atu asegura siguransa ba iha Fronteira Maritima nee.
Iha parte seluk Reprezentante povu iha uma fukun Parlamentu Nasional, Deputadu Francisco Branco katak, Fronteira Maritima sei hakotu iha loron nee fulan Marsu tinan ida nee. Ida nee susesu ida, tanba etapa ida liu tiha ona, no etapa seluk ida maka atu dada kadoras mai TL. Notisia kompletu lee iha jornal edisaun Kinta, (01/03/2018). Madalena Horta