Fahe Sasan Ba Povu Hodi Buka Votus

DILI, STLNEWS.co – Partidu politiku neebe besik eleisaun mak ba fahe nesesidade baziku ba povu sira, laos ema laran diak maibe asaun buka votus.

Kestaun nee hato’o husi Pe. Richardo Pasang SVD ba STL, liu husi telefone, Kuarta (25/08/2021).

“Ita la bele halo avaliasaun ba ema nia diak no aat liu husi buat neebe ita bele haree ho matan, maibe ita presiza haree nia motivasaun ou nia intensaun saida. Ba politiku nain sira neebe sempre fahe sesta bazika (sembako) iha periodu eleisaun, ita la bele dehan katak sira nee mak ema laran diak, ema laran luak etc, maibe nia aksaun ida nee mos ho intensaun atu bele hetan votus ba eleisaun.” dehan Padre.

Padre hatutan, ba fariseu sira neebe hatudu sai katak sira halo tuir regras relijiaun, la bele dehan katak sira nee ema santu. Tanba motivisaun ema fariseu so deit atu hetan hahi ba nia an rasik, laos atu hahi Maromak.

Sira nee hipocrita, pinta mutin iha liur, furak husi liur maibe iha laran nakonu ho mate ruin no buat dodok oi-oin. Sira nia hatudu furak iha nia style fiziku, maibe nia laran nakonu ho motivasaun aat.

Nunee mos Lider relijiosu no mos evanjelizador hipocrita, sira sempre hanaran sira nia an atan Maromak nian, realidade hatudu katak sira so buka deit atu ema servi duke sira rasik mak servi.

Tan nee keta hakfodak fariseu hipocrita sira so sai naha todan ba povu sira. Maibe, diferente ho Saõ Paulo. Paulo mak verdadeiru servo (pelayan sejati) tamba Paulo lakohi sai naha todan ba nia povu neebe nia servi.

Nee duni, sai verdadeiru servi ou sai servidor diak atu hahi Maromak, presiza servisu ho saktifisiu no prontu atu kolen. Saun Paulo dehan: “ami servisu kalan loron atu ami la bele fo todan ba imi, bainhira ami haklaken ba imi liafuan diak housi Maromak”.

“Ksolok husi evanjelizador mak bainhira ema hahi Maromak nia naran, laos nia naran rasik mak ema hahi, tanba ita nia pozisaun diak iha povu sira nia oin.” dehan nia.

Bibi atan kreda Katolika nee hatutan, Jesus liu husi nia Evanjellu ohin loron fo hanoin, kritika no kompara ema nia an hanesan; rate sira neebe pinta mutin, furak husi liur maibe iha laran nakonu ho mate ruin no buat dodok oi-oin.

“Jesus hakarak dehan mai ita katak husi liur, aspetu fisika-exterior wow, maravillosu (hebat), glamour, moos, maibe aspetu interior iha laran, fuan nakonu ho hipocrita, sala, impureza (kenajisan). Ita la bele nega buat hirak nee sempre mosu iha ita nia an nuudar humana. ” dehan nia.

Tan nee, bazeia ba leituras ohin loron, hotu – hotu reflete no mos ho komprimisiu forte, nakfilak no hadia an hodi aprende atu prioritiza (memprioritaskan) ou tau atensaun liu ba parte interior, enkuantu keta haluha aspetu fiziku ou exterior iha moris.

“Primeiro mostre por atos em vez de palavras todas as coisas que são boas e santas” (Pertama-tama tunjukkanlah kepada mereka dengan perbuatan daripada kata-kata semua hal yang baik dan suci).” katak nia.

Liu husi refleksaun nee padre mos halo orasaun ba Maromak atu haraik laran mos no nakonu ho sakrifisiu atu keta monu ba sala.

“Maromak laran diak, halo ami sai evanjelizador neebe laran mos, sakrifisiu atu ami keta monu iha salan, hodi hadomi deit ami nia an rasik no moris hanesan hipocrita. Tulun ami atu ami aprende hodi rekonese ami an ho ami nia forsa no frakeza sira hotu, tanba buat hirak nee mai husi ita nia laran luak. Ami harohan nee hodi Na’i Jesus Kristu nia naran hamutuk iha Espirito Santo. Amin.” nia hakotu*

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: