Fahe Sasan Fohuk ba Komunidade, Iha EE ba Da Ualu

Akedemista UNDIL konsidera sasan fohuk sira neebe fahe ba povu liu husi programa sesta bazika, iha tempu Estadu Emerjensia nee hamonu ona imajen Primeiru Ministru Taur Matan ruak. Hatete Vise Reitor III UNDIL, Hugo Lourenço da Costa ba STL iha nia knaar fatin UNDIL, Dili, Kinta (10/12/2020). (Foto: STL/Crisogono Magalhães)

DILI, STLNEWS.co – Akedemista UNDIL konsidera sasan fohuk sira neebe fahe ba povu liu husi programa sesta bazika, iha tempu Estadu Emerjensia nee hamonu ona imajen Primeiru Ministru Taur Matan ruak. Hatete Vise Reitor III UNDIL, Hugo Lourenço da Costa ba STL iha nia knaar fatin UNDIL, Dili, Kinta (10/12/2020).

“Sasan fohuk neebe fahe ba povu liu husi programa sesta bazika nee, ita sei la dignifika povu, nee hatudu katak governu halo programa ida neebe maka nakonu ho interese politik no hau konsidera ida nee laos hanesan asaun karidade, asaun karidade nee maka hanesan saida maka Maun Boot Xanana halo, laos ba halo asaun karidade hodi fali sasan fohuk ba fahe fali ba povu,” dehan Vise Reitor nee.

Nia dehan, saida maka agora governu nee halo hamonu liutan imajen Maun Taur, tanba asaun sira neebe halo liu husi programa sesta bazika hodi lori fali sasan fohuk fahe ba komunidade, nunee ikus mai mosu protesta no lamentasaun neebe barak tebe-tebes.

“informasaun neebe fo sai husi media nasional no privadu sira katak Comisaun Anti Corupsaun (CAC) hapara tiha programa sesta bazika tanba programa ida nee la dignifika povu,” haktuir nia.

Nia haktuir, ida nee hatudu katak governu ida nee lakon tiha nia klamar hanesan nain ba estadu ida nee, hodi halo publiku lakon konfiansa ba governasaun ida nee.

“Ita hotu hatene katak governu ida agora nee iha hela situasaun ida neebe difisil, tanba nee governu tenke hatudu dadaun nia dignidade, nuudar governasaun ida iha nasaun ida,” tenik nia.

Se governu senti katak iha situsaun Covid-19 nee maka governu la iha kondisaun atu halo buka diak ba povu, diak liu lalika halo, nunee ikus mai labele halo povu lakon konfiansa ba ukun nain sira.*

Reportajen: Crisogono Magalhães
Editor: Ekipa STL

LEAVE A REPLY

Please enter your comment!
Please enter your name here