FALINTIL Mosu Iha Senariu Politika Espesial

DILI, STLNEWS.co – Prezidente Parlamentu Nasional (PPN), Aniceto Longuinhos Guterres Lopes, afirma Forsa Armada Libertasaun Nasional Timor Leste (FALINTIL) mosu iha senariu politika espesial ida, tanba harii no hetan orientasaun husi Komite Sentral FRETILIN (CCF – sigla portugues).

Tuir PPN Aniceto Longuinhos Goterres Lopes, hatete loron 20 fulan Agostu 1975 tama iha istoria libertasaun nasional nuudar loron Forsa Armada Libertasaun Nasional Timor Leste (FALINTIL), ho ksolok boot no onra ida hamutuk ho Kombatente no Veteranu Libertasaun Nasional sira hodi selebra aniversariu FALINTIL ba dala 46.

“FALINTIL mosu iha senariu politika espesial ida, tanba harii no orientasaun husi Komite Sentral FRETILIN, mak hafoin deklarasaun insureisaun jeral armada iha Aisirimou, Aileu iha loron 15 fulan Agostu 1975, militar Timoroan sira neebe halo parte ezersitu portuges iha Kuartel Jeral Taibesi, organiza an nuudar brasu armadu FRETILIN ho objetivu atu restaura paz no estabilidade iha ita nia rai,” dehan PPN Aniceto Guterre Lopes liu husi diskursu iha aniversariu FALINTIL ba dala 46 iha Kuartel Jeral, Fatuhada, Sesta nee (20/08/2021).

Nia dehan, hafoin governador Portuges deside sai husi TL no lori sai mos sira nia tropa tomak, FALINTIL mak defende integridade teritoriu no kaer metin soberania nasional biar ho forsa kiik, konsege reziste inkursaun militar iha fronteira terrestre.

Nia akresenta, tanba FALINTIL hamriik ho povu nia oan sira liu husi inspira, nomos apoiu malu hodi halo rezistensia metin ba bebeik liu tan  tinan ba tinan, ho partisipasaun Timoroan sira nian iha diaspora no apoia husi komunidade internasional hodi lori TL too hetan ukun rasik an.*

Reportajen: Domingas Soares

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: