Falla Komunikasaun, Interpreta Covid Tuir Gostu

DILI, STLNEWS.co – Tuir Akademista Universidade Dili (UNDIL) atual Vice Reitor III, Hugo Lourenço da Costa, dehan bainhira governu falla iha komunikasaun, maka ema idak-idak interpreta atu fo vasina ba povu tuir ninia gostu deit.

Nia hatete, hahu husi kazu iha India ho virus foun variante delta, mediku sira ninia previjaun katak sei mosu iha Timor, previjaun ida ke sala liu mosu duvidas.

“Ita haree husi deklarasaun PM katak, vasina dala rua lao livre, maibe Ministra Saude dehan vasina dala rua la garante livre no seluk fali dehan vasina dala rua tenki swab nee indika katak, falla iha komunikasaun no idak-idak interpreta covid no vasina tuir ninia gostu,” dehan nia ba STL liu husi WhatsApp, Domingo (04/07/2021).

Nia dehan, governu ida nee la fo prioridade moris diak ba povu tuir promesa neebe sira kampana iha eleisaun, ikus mai sira dehan bele ka labele sira ukun tiha ona marka ona istoria dois iha estadu de direitu demokratika.

Nia afirma se iha nivel governantes koalia mangame, povu konfuzu no duvidas tanba sira laiha estudu, copy paste espesialista nasaun seluk nia estudu hodi interpreta tuir governu nia inkapasidade no gostu, tanba Xefe Governu koalia A no nia membrus governu koalia fali B.

“PM iha hanoin no vizaun boot maibe membrus governu kualidade laiha automatikamente labele komprende no intrudus PM nia objetivu sira, hanesan ema dehan iha ai knanoik karik, katak bidon mamuk lian makas,” hakotu nia.

Reportajen: Domingas Soares
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: