Falsifika Dokumentus Vasina, Polisia Kaptura Sidadaun Balun

DILI, STLNEWS.co – Sidadaun neebe mak halo falsifikasaun ba kartaun Vasina, oras nee Polisia Nasional Timor Leste kaptura ona balun hodi ba halo investigasaun.

Dehan PM, Taur Matan Ruak ba Jornalista, iha Palasiu Prezidensial, Nicolau Lobato, Bairru Pite, Dili, Kinta (22/07/2021).

“Polisia komesa kaer ona balun hau lahatene nee imformasaun Foun koalia konaba profesional saude nia hau rejistu preokupasaun ida nee maibe hau hatene iha sidadaun balun falsifika no polisia komesa kaer no halo investiga ona,” hatete PM, Taur.

Xefe Governu mos husu sidadaun sira atu labele fiar katak Vasina nee ladiak, maibe husu atu sidadaun sira kontinua simu vasina nunee bele hadook aan husi Moras Covid-19 nee.

“Hau nia apelu ba sidadaun sira para labele fiar, ita timor nee bolu ita matenek barak tanba nee hasai nasaun rua husi ita nia rai Hanesan kolonialismo portugues nomos okupasaun Indonezia mais ita sei beik ema lohi ita fasil los” hatete Taur.

Prezidente Republika, Francisco Guterres Lú Olo preokupa ho moras variante delta ou Covid19 neebe mak oras nee hamate ona ema barak tanba nee mak PR husu Governu atu tau matan ba iha Fronteira, no dalan neebe mak atu prevene mak liu husi vasina tanba nee mak husu sidadaun sira bele simu vasina nunee bele hadook aan husi Covid-19 nee rasik.

Prezidente Republika mos husu sidadaun hotu atu lao sai kontinua uja maskara no kumpre nafatin regra, neebe mak hatoo husi Organizasaun Mundial Saude nunee mos husi Ministeriu Saude rasik.

Antes nee mos Polisia Nasiona Timor Leste kaptura ona sidadaun balun iha postu entrada sira, tanba falsifika domentus vasinasaun ba Covid19 , tanba uja fali ema seluk nia kartaun Vasina kinur hodi halo movimentu.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: