Familia La Simu Matebian LM Tara Aan Mesak, Teofilo: Hau Hein Rezultadu Investigasaun

DILI, STLNEWS co – Familia husi matebian Lebenita Madeira neebe deskonfia tara aan iha nia rezidensia Bebonuk nee sira la simu, tanba nee husu ba Polisia Sientifika Investigasaun Kriminal (PSIC – sigla Portugues) no instituisaun relevante tenke buka lolos motivu husi tara aan neebe ho modelu iha armari hun no ain kona rai nee. Hatete matebian nia bin, Brigida Soares, liu husi konferensia imprensa iha sala mortuariu HNGV, Segunda (17/05)2021).

“Ami familia la duun ba se mak oho, maibe ami husu lia los, tanba matebian antes tara aan nee, problema perselingkuhan husi laen kaben, entaun nia laen baku ami nia alin depois ho tara aan, mate husi prosesu sira nee hotu, tanba nee husu ba instituisaun relevante sira tenke halo investigasaun ho lolos, tanba nia tara aan mesak ka keta iha seluk karik,” hatete Brigida.

Nia dehan, matebian Lebenita Madeira nuudar espoza (SEAK) Teofilo Caldas, neebe tara aan iha nia residensia Bebonuk, ida nee familia matebian dehan deskonfia tanba fo sai ona Iha publiku katak tara aan, maibe husu prosesu investigasaun tenke lao ba oin no tenke hatene lolos kazu husi tara aan nee saida.

Tanba tuir kronolojia neebe matebian sei moris, iha momentu nee matebain vizita nia familia dala rua, hatete ba familia hotu katak, nia laen kaben baku nia tanba hetan SMS feto seluk iha nia laen nia telfone laran.

“Matebian mai dala rua iha ami nia uma depois iha Domingo Paskua Aleluia, no nia rasik hetan SMS feto seluk iha nia laen ninia telfone laran, matebain hatete deskonfia iha perselingkuhan ho nia sekretaris, entaun ida nee ona deskonfia matebian nia laen durante nee selingkuh ho ninia sekretaris, entaun nuudar fen laran moras ho istori malu konsege nia baku nia fen, konaba evidensia selingkuh ami laiha, maibe konaba laen baku nia fen nee iha foto,” informa nia.

Nia hatutan, mensajen husi feto seluk nee halo matebian Lebenita Madeira laran moras no triste tebes, tanba nee sira istoria malu too laen kaben baku nia too hader labele.

“Husi mensajen sira nee ami nia alin feto triste no laran moras entaun hamosu istori malu, entaun momentu neeba nia baku matebian too toba hela iha kama laran hader ladiak, iha neeba nia telfone hau, liafuan tanis deit, ida nee akontese iha Domingo Paskua Aleluia,” dehan nia.

Depois liu tiha ida nee matebain nonok deit, iha dia 9 de Maiu tinan nee, matebian rasik ba uma ho tanis no konta sai hotu nia laen nia hahalok ba nia.

“Ami rua ho hau nia laen, matebian tanis dehan nia laen baku nia, no hatudu kedas nia kanek nee mai ami, hau hasai nia foto hotu, agora nia foto nee nia liman sira nee metan hotu no kotuk laran nee kanek no sai metan hotu kedas, depois dehan matebian nee nia laen habit tan iha odamatan,” tenik nia.

Iha fatin hanesan, Sekertariu Estadu Arte no Kultura (SEAK), Teofilo Caldas nuudar matebian Lebenita Madeira nia laen kaben seidauk bele fo komentariu, tanba hein rezultadu autopsia, no rezultadu investigasaun, tanba oras nee dadaun prosesu investigasaun no autopsia lao hela.

“Hau seidauk fo komentariu, tanba hau hein rezultadu autopsia ho rezultadu investigasaun neebe mak ami koopera hela, hodi submenta ba investigasaun iha Polisia Sientifika Investigasaun Kriminal nee dunik hau seidauk bele fo komentariu,” nia afirma.*

Reportajen: Jeniche da Costa
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Mensagen Avo Ramos Horta https://youtu.be/YPnLzaLb43E Ministério...

Odete: Pasiente Kuarentena Tasi-Tolu La Konkorda Desizaun MS Haketak Feto & Mane

DILI, STLNEWS.co - Ministra Saude, Odete Maria Freitas Belo afirma, fatin izolamentu Tasi-tolu, Ministeriu Saude (MS) koko atu izola feto ketak no mane ketak,...

Joven Baucau Komesa Hakribi Violensia

BAUCAU, STLNEWS.co - Kazu sivil neebe mak sempre mosu la sai preokupasaun estabilidade seguransa Munisipiu Baucau nian, tanba joven barak komesa komesa hakribi violensia. Lia...
%d bloggers like this: