Farda Militar Ba Kadete Foun F-FDTL, Transporta Ona Ho Ro’o

DILI, STLNEWS.co – Ministru Defeza, Filomeno da Paixăo de Jesus, informa farda militar ba kadete foun sira iha Falintil Forsa Defeza Timor-Leste (F-FDTL), neebe membru foun sira sei uza hodi halao treinamentu, oras nee transporta ona ho ro’o iha dalan husi Solo, Indonezia mai Timor-Leste.

“Konaba kadates foun, ami sei dependente iha produsaun de fardas. tanba farda foin mak ohin embarka mai TL. Iha neeba, iha Java mos iha defikuldade, liu-liu iha Solo, iha fabrika maka sira taka, tanba nee mak atrazu oituan, mas ohin embarka ona, farda sira nee mos ohin tama ona iha ro’o,” dehan nia ba jornalista sira hafoin reuniaun Konsellu Ministru iha Auditoria Ministeriu Finansas, Ai-tarak Laran, Dili, Kuarta nee (01/08/2021).

Paixao hatete, total uniforma ba membru foun F-FDTL sira nee ho kuantidade hamutuk 300, hodi kompleta tan ho farda 300 neebe dadaun ministeriu prepara hela, nunee bele kompleta too numeru membru 600 neebe rekrutadu.

Iha biban nee governante nee hatete, Falintil Forsa Fefeza Timor-Leste (F-FDTL), preparadu atu halo destakamentu iha lutu fronteira entre Timor-Leste ho rai viziñu Republika Indonezia (RI), tanba maioria membru militar sira tuir kursu ho kompletu.

“Tuir hau hatete ona, militar mak preparadu liu hela iha fronteira, tanba militar tuir kursu kompletu, kursu de soldadus, kursu sarjentus, kursu de alfares, kursu kapitoens, kursu maijores, kursu tenente koronel, too kursu jeneral. Militar iha kursu nee hotu,” tenik nia.

Nia dehan intermus lider, membru F-FDTL sira preparadu liu. Governante nee akresenta, ba asuntu nee Primeiru Ministru Taur Matan Ruak, neebe hanesan mos Ministru Interior, fo ona orientasaun ba Ministeriu Defeza, Komandu F-FDTL, hamutuk ho Komandu Polisia Nasional Timor-Leste (PNTL) tur hamutuk hodi hamosu konseitu ida oinsa mak bele monta membru F-FDTL iha lutu fronteira.

Bainhira mak atu destaka membru F-FDTL iha fronteira terrestre, nia dehan, parte rua halo hela esforsu ho masimu posivel hodi bele dezeña konseitu ida diak, molok halo destakamentu.*

Reportajen: Maria Tavares
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: