Faustino Prontu Simu Desizaun Governu

DILI, STLNEWS.co – Komandante Jeral PNTL, Komisariu Polisia Faustino da Costa prontu simu desizaun husi governu, relasiona ho sosiedade sivil neebe husu nia atu rezigna an husi Komisariu PNTL.

“Hau hanoin ida nee laos hau mak atu resposta kona ba ida nee, maibe ohin iha aprezentasaun kona ba situasaun iha teritoriu laran ba Primeiru Ministru no Ministru Interior katak hanesan lideransa masimu PNTL, ami prontu simu desizaun saida deit husi governu,” dehan Komisariu Polisia, Faustino wainhira remata enkontru ho PM no Ministru Interior, Taur Matan Ruak iha rezidensia, xefe governu Farol, Dili, Segunda nee (07/06/2021).

Antes nee portavoz Rede Defensor Diretu Umanu (RRDU), Ivo Colimau Lai konsidera Komisariu PNTL, Faustino da Costa laiha kapasidade jere instituisaun PNTL, tanba durante nia mandatu membru PNTL balun kontinua uza arma hodi hakotu ema nia vida.

“Abrigu ba kazu violasaun direitus humanus neebe akontese desde fulan Marsu 2021 too ohin loron mosu tan omesidu nain rua, no ida kanek todan iha Lahane neebe akontese iha Sabado madrugada foin lalais nee hatudu katak komisariu PNTL laiha kapasidade atu asegura boa imajen PNTL,” dehan portavoz Rede Defensor Diretu Umanu (RRDU) Ivo.

Portavoz RDDU-FONGTIL nee dehan, tuir lolos ho akontesimentu sira hanesan nee, Komisariu PNTL halo ona interpretasaun ba nia kapasidade, no halo karta rezignasaun para husik hela kargu neebe nia kaer.

“Komisariu PNTL lolos nee halo ona karta rezignasaun para demite nia an rasik, la presiza ema seluk mak obriga nia, tanba durante nia mandatu nia la iha kapasidade atu jere instituisaun PNTL ho lolos,” dehan nia.

Nia hatutan, RDDU mos husu ba Ministru Interior atual Primeiru Ministru Taur Matan Ruak atu halo remodelasaun ba kargu komando PNTL, hahu husi komisariu, Komandante Munispiu Dili, Komandante operasaun Munisipiu Dili, nomos Komandante seksaun neebe mak autor Marianu enkaisa ba hodi nunee lori fali imajen foun iha instituisaun PNTL, liu liu iha Munisipiu Dili.*

Reportajen: Alberto Menezes
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Mensagen Avo Ramos Horta https://youtu.be/YPnLzaLb43E Ministério...

Odete: Pasiente Kuarentena Tasi-Tolu La Konkorda Desizaun MS Haketak Feto & Mane

DILI, STLNEWS.co - Ministra Saude, Odete Maria Freitas Belo afirma, fatin izolamentu Tasi-tolu, Ministeriu Saude (MS) koko atu izola feto ketak no mane ketak,...

Joven Baucau Komesa Hakribi Violensia

BAUCAU, STLNEWS.co - Kazu sivil neebe mak sempre mosu la sai preokupasaun estabilidade seguransa Munisipiu Baucau nian, tanba joven barak komesa komesa hakribi violensia. Lia...
%d bloggers like this: