FDCH – IPB Asina Kontratu Ho Benefisiariu Programa Bolsa Hakbiit Nain 20

BETANO, STLNEWS.co – Diretora Ezekutiva Fundu Dezenvolvimentu Capital (FDCH) Leila M.L. Carceres dos Santos ho Prezidente Institutu Politekniku Betano (IPB) Acacio Cardoso Amaral, asina kontratu ho bolseiru nain 20 neebe hola parte iha programa Bolsa Hakbiit neebe admitidu hodi kontinua sira nia estudu iha Instituto Politekniku Betano (IPB) ho nivel estudu diploma II (D2) iha area konstrusaun sivíl no produsaun Animal.

Iha diskursu Diretora Ezekutiva FDCH hatoo agradesimentu ba IPB, tanba liu husi kooperasaun servisu neebe diak tebes hodi simu estudante bolseiru programa Bolsa Hakbiit hodi halao sira ninia estudu iha IPB.

Diretora FDCH sublina Bolsa Hakbiit nee foka liu ba ema kbiit laek nia-oan sira neebe foin ba dala uluk realiza husi VIII governu liu-husi FDCH neebe liu husi asesu ingresu hodi tama iha UNTL ho IPB.

“Orsamentu ida nee apoiu ba ema neebe laiha kbiit signifika katak ita-boot sira hola parte iha nee merese duni atu hetan oportunidade ida nee hanesan ema kbiit laek nia oan, maibe karik ita-boot sira laos ema kbiit laek nia oan maka ami iha ekipa monitorizasaun husi FDCH sei tun direita ba ita boot sira nia fatin hodi haree situasaun real neebe ita boot hasoru, karik ita-boot sira laos ema kbiit laek nia oan maka FDCH sei hapara kontratu.” haktuir komunikadu FDCH neebe STL asesu, Tersa (20/07/2021).

Iha fatin hanesan Prezidente IPB Acacio Cardoso Amaral hatete, nia parte haksolok no agradese ba FDCH hodi fo bolsa estudu ba estudante sira IPB nian, liu husi kanal espesial nee no husu ba estudante sira atu halao estudu ho diak nunee bele termina sira ninia estudu neebe ho apoiu orsamentu husi governu liu husi FDCH. Iha oportunidade hanesan reprezentante bolseiru sira hatoo ninia agradesimentu ba FDCH ho IPB neebe fo ona bolsa ba sira hodi kontinua sira ninia estudu.

Partisipa iha serimonia asina kontratu ho bolseiru sira nee Koordenador GAPPEFIV-FDCH Hermenegildo da Silva, Koordenador GAGESI-FDCH Henrique do Rosario, ekipa teknika FDCH no husi parte IPB Vise Prezidente IPB ho estrutura, dosente no estudante sira IPB nian.*

Reportajen: Blandina Mauno
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: