Felisberto Diskorda, Governu Fahe Subsidiu Ba FP

DILI, STLNEWS.co – Tuir Analizador Politika Universidade Nasional Timor Lorosae (UNTL) Felisberto de Carvalho, diskorda ho governu fo subsidiu ba Funsionariu Publiku (FP), tanba funsionariu sira kada fulan hetan salariu, subsidiu nee merese povu mak hetan, laos Funsionariu Publiku.

“Hau diskorda ho governu fahe subsidiu ba Funsionariu Publiku, tanba funsionariu sira kada fulan hetan salariu, maibe povu sei kontinua halerik hela ba hamlaha no seluk tan, neebe subsidiu nee merese povu mak hetan,” dehan nia ba STL iha Caicoli, Kuarta nee (22/09/2021).

Nia dehan, governu nunka haree realidade nebe povu enfrenta, hakilar, hamlaha, balu uma laiha, balu lakon servisu tanba Covid-19 no seluk tan, situasaun sira iha leten ezije governu, tenke halo intervensaun liu varius politika hodi apoiu povu.

Nia hatutan, Funsionariu Publiku sira iha salariu kada fulan, enkuantu povu sira laiha. Ho nunee povu sira marese atu hetan subsidiu, tantu hahan ou osan kada fulan – fulan.

Nia akresenta, diak liu governu fo subsidiu fini no adubu ba agrikultor sira, hodi hasae kuantidade produsaun.

Aleinde nee, Deputada Bankada CNRT Maria Fernanda Lay haktuir, governu deside sei fo subsidiu ba Funsionariu Publiku muito bem, maibe povu kbiit laek to’o agora balun seidauk simu sesta bazika, no liga ho kompania fornesedor sira selu hotu ona ka seidauk.

“Hau espera katak, governu ho orsamentu neebe aprovadu iha Parlamentu Nasional, bele selu kompania sira nee,” tenik nia.

Nia haktuir, tanba nee kada fulan Funsionariu Publiku sira sei hetan subsidiu ai-han hanesan foos 35 Kg, nomos produtu lokal sira seluk, inklui mos osan.*

Reportajen: Natalina Lopes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...