Fenomena La Nina Hahu Forma, SEPS Husu Komunidade Atensaun

DILI, STLNEWS.co – Oras nee fenomena la nina hahu forma ona, tanba nee Sekretariu Estadu Protesaun Sivil (SEPS), husu komunidade neebe hela iha fatin risku atu nafatin atensaun.

Tuir Sekretariu Estadu Protesaun Sivil (SEPS), Joaquim Gusmão katak, alerta ba komunidade sira hotu katak, la nina neebe mak iha, oras nee prosesu forma ona, durante nee halo prediksaun deit.

“Maibe informasaun sira neebe metrolojia ita nian rasik, nunee mos husi Australia no Indonezia, iha notisia internasional katak, fenomena la nina nee agora forma ona, i sei lao to’o fulan Marsu tinan 2022, alerta ba komunidade sira neebe hela fatin risku sira, atu atensaun,” informa Joaquim Gusmão ba jornalista Kinta nee (25/11/2021), iha Parlamentu Nasional, bainhira remata hasoru malu ho komisaun B.

Nia informa, ba komunidade neebe mak hela iha fatin risku nee mak hanesan iha tasi ibun, mota ninin, no foho leten, atensaun banhira udan mai boot, i kuandu intensivu oras ida, bele buka fatin atu hases an ba fatin seguru.

Joaquim husu, atu komunidade sira nafatin akompana sms husi protesaun sivil, no mos karik iha difikuldade ruma, nafatin halo kontaktu ho protesaun sivil no bombeirus.

Entretantu, Deputadu husi Bankada FRETILIN, José Agustinho Xomotcho, hatete, agora dadaun informasaun katak, sei akontese lanina, tuir metrolojia Timor ho Australia no Indonezia nian katak, sei laos akontese iha fulan Dezembru iha Janeiru tinan 2022, nee sei liu fali loron 4 fulan Abril, tanba nee presiza kria kondisaun.

(gui/dom)

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...