Feto Bele Lidera Nasaun

DILI, STLNEWS.co – Atu lidera nasaun nee laos mane deit, maibe feto bele tanba ohin loron feto barak matenek no iha kapasidade ona.

Kestaun nee hato’o husi Rosa Cardoso hanesan mos Program Officer – Ending Violence Against Women and Children husi Asia Foundation ba STL, liu husi telefone, Sesta nee(10/09/2021).

Rosa hatete, konaba grupu balun neebe mak husu feto sira atu kandidata an ba PR, liu – liu espoza Primeiru Ministru tuir nia katak feto bele lidera nasaun tanba feto barak iha kapasidade.

“Hau nia hanoin feto bele lidera ka ukun nasaun ida nee, tanba feto barak mak matenek, iha abilidade diak, no iha aten barani atu lori nasaun nee ba oin, importante ita hotu iha papel atu suporta no fo oportunidade ba feto atu ukun hodi hatudu ba mundu katak feto bele,” hatete Rosa.

Nunee mos konaba feto nia partisipasaun ba iha politika porsentu hira nia seidauk hatene, maibe tuir nia progresu feto diak ona.

Nunee mos Diretor Asosiasaun Ekonomia Agrikola Taularan Buras AE-ATB Manuel Monteiro hatutan, tuir nia observasaun feto nia partisipasaun iha politika masimu ona.

“Ita haree kompara ho tempu uluk feto iha mudansa, tanba uluk feto barak iha uma deit, maibe agora iha mudansa tanba barak bele kaer pasta importante sira hanesan Vise PM, Ministra no seluk tan” dehan nia.

Nia hatutan atu ukun no sai prezidente feto mos bele kandidata an, maibe presiza mak prienxe rekezitu sira no desizaun mai husi povu mak sei hili liu husi votasaun.*

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: