Feto Ho Familia Hasoru Defikuldade

DILI, STLNEWS.co – Serka sanitaria no konfinamentu obrigatoriu halo feto hasoru defikuldade, tanba labele lao sai ba halo atividade ruma hodi hetan osan para bele sutenta familia uma laran.

Kestaun nee hatoo husi Diretora Movimentu Feto Foinsae (MOFFE), Yasinta Lusina ba STL, via telefone Tersa (18/05/2021).

Nia dehan, situasaun neebe mak dadaun nee Timor Leste infrenta nee laos foun, maibe iha ona esperensia tinan kotuk nia bainhira hasoru estadu emerjensia, tanba deit pandemia Covid-19 ho situasaun nee familia sira hasoru defikuldade ou hasoru situasaun defisil.

Tinan kotuk mos hasoru situasaun ida nee, ho estadu emerjensia no hotu hotu hakmatek iha uma nee iha impaktu boot ba ema hotu, tanba hapara atividade hotu no tenke hela iha uma, no estadu koko responde situasaun ho politika neebe mak sira halo ona.

“Tinan ida nee todan liu tan, tanba situasaun ida tinan kotuk too mai agora seidauk rekopera fali maibe kontinua no sai todan liu tan maske laos ho situasaun foun maibe ho kondisaun ema neebe mak lakon sira nia servisu, lakon sira nia rendimentu laiha osan, kontinua iha situasaun defikuldade ida nee,” hatete Diretora MOFFE nee.

Nia hatutan aat liu tan mak ho situasaun emerjensia, depois akontese tan inundasaun fo efeitu tebes halo ema lakon oan no lakon sasan no buat hotu ida nee sai preokupaun.

Nunee mos aktivista feto, Judite Dias Ximenes hatutan, iha situasaun iha agora fo impaktu makaas liu ba feto sira, tanba iha familia nia laran feto mak hatene diak liu konaba oinsa mak prepara hahan ba oan no familia sira, maibe ho situasaun hanesan agora feto mak hasoru impaktu boot.

Nia dehan, tempu agora fo impaktu ba sosiedade tanba familia balun lakon servisu iha deit uma no feto neebe mak servisu mos kompania balun hapara entaun sai preokupasaun boot liu, tanba iha familia ema neebe mak hatene diak konaba hahan ou nutrisaun diak ba oan sira nee feto, maibe tempu diefisil laiha hahan entau feto sira mak hasoru susar hodi prepara hahan ba familia.*

Reportajen: Emerenciana Pinto/Alberto Menezes
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: