DILI, STLNEWS.co – Maski oras nee feto nia involvimentu foti desizaun menus, maibe feto nafatin esforsu hodi lao ba oin, tanba lei garante katak, feto mos iha direitu bele kaer ukun no foti desizaun.
Haktuir Veterana Madalena da Silva Fernandes kodigo Haksolok Terus Laran ba STL iha nia knaar fatin Becora, Tersa nee (26/07/2022).
“Enkoraza Feto maluk sira, maski ohin loron iha dezafiu oin-oin neebe taka dalan ba feto, maibe nafatin iha vontade, tanba lei mos fo garantia katak, feto iha direitu atu kaer ukun no bele mos foti desizaun, tanba nee keta lakon esperansa, maibe nafatin lao ba oin hodi kapasita aan,” dehan inan veterana nee.
Nia hatutan, konaba kouta iha Parlamentu Nasional feto atinji ona no ohin loron feto barak mos hatudu ona sira nia kapasidade, tanba nee husu atu feto hotu bele inklina aan iha atividade hotu, hodi hatudu ba mane katak feto mos bele.
Nunee mos Diretora Movimentu Feto Foinsae (MOFFE), Yasinta Lusina hatutan, nafatin fo advokasia, nafatin dudu feto sira nia partisipasaun, hodi bele lidera iha suku, bele halo mos mudansa iha futuru.
(eme)
