Feto La Tauk Kaer Kanedok No Kilat Hasoru Inimigu

DILI, STLNEWS.co – Feto sempre brani hasoru situasaun saida deit, katak la tauk kaer kanedok hein oan iha uma no la tauk mos kaer kilat hodi hasoru inimigu sira.

Kestaun nee hato’o husi Vise Diretora Asosiasaun Hak, Filomena Dos Reis ba STL iha knaar fatin Farol, Tersa nee (12/10/2021).

Nia hatete, tuir nia haree feto barak mos brani kaer kanedok hodi tein iha uma no hein oan sira, no feto barak mos la tauk kaer kilat hamutuk ho parseiru mane sira hodi luta ba ukun rasik an.

“Hakarak hateten, feto sira brani no la tauk, aleinde kaer kanedok no hein oan sira, maibe feto mos la tauk kaer kilat hodi hasoru inimigu no defende nia rain. Tan sira defende sira nia riku soin ba sira nia oan no bei-oan sira,” dehan nia.

Nia hatutan, iha tempu difisil, maibe feto sira brani no unidus hodi luta ba libertasaun patria, tanba nee mak nia mos kontinua enkoraza feto sira atu kontinua partisipa iha prosesu dezenvolvimentu nasional.

Nunee mos, espoza Prezidente Republika, Cidália Nobre Lopes Mouzinho Guterres enkoraza feto sira atu kuidadu an, hodi kontinua luta ba mehi neebe sira iha.

“Hau kontinua enkoraza ita boot sira atu sai ajente neebe mundansa pozitivu, tanba nee mak imi hotu tenke kuidadu imi nia an rasik, kuidadu imi nia vida, imi luta ba mehi sira neebe mak imi mehi ba, no fo prioridade ba saida deit mak imi hanoin atu halo, maibe prioridade ida neebe pozitivu,” dehan Cidalia.

Espoza PR mos kontinua enkoraza feto hotu, oinsa mak luta ba oin, tanba lei rasik garantia feto nia direitu, tanba nee koko lao ba oin nafatin, feto barak ho brani luta ba ukun rasik an hodi kaer kilat hamutuk ho mane sira to’o hetan ukun rasik an, tanba nee mak feto sira tenke esforsu an nafatin hodi hakat ba oin.*

Reportajen: Emerenciana Pinto

Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...