Feto Labele Lakon Esperansa

DILI, STLNEWS.co – Maske ohin loron feto sira sei hasoru dezafiu oin-oin iha moris loron loron, maibe husi dezafiu hirak nee sai lisaun, no feto labele lakon esperansa maibe kontinua pasensia hodi partisipa iha kualker atividade organizasaun.

Kestaun nee hatoo husi Prezidente Rede Feto Timor Leste (RFTL), Zelia Fernandes ba STL via telefone, Kuarta (23/06/2021).

Nia hatete, maske feto sei hasoru dezafiu oin oin maibe ho pasensia no badinas feto sei alkansa objetivu neebe mak iha.

“Mensajen badak ba sira mak labele lakon esperansa maske hasoru dezafiu oioin. Kontinua pasensia, onestu, displina, badinas, esforsu no involve an iha kuaker organizasaun hodi aprende, ho nunee deit mak ita bele realiza saida mak ita hakarak,“ dehan Zelia.

Prezidente Rede Feto Timor Leste nee mos enkoraza feto sira hotu katak feto mos iha kapasidade hanesan mos parseiru mane sira, tanba nee mak feto tenke hatudu katak feto mos bele.

Nunee mos, ativista feto, Judite Dias Ximenes mos hatutan argumenta tan katak involvimentu feto laos foin Timor Leste ukun an mak partisipa, maibe hahu kedas iha tempu neebe mak defisil, feto mos hatudu ona sira nia brani.

“Tanba nee mak ohin loron Timor ukun rasik an ona lei rasik mos garante feto nia direitu oinsa mak atu partisipa iha kualker atividade, tanba nee mak feto mos tenke brani hamriik iha oin hamutuk ho mane sira atu partisipa iha dezenvolvimentu nasional,” hatete Judite.

Eis Prezidente Rede Feto Timor Leste nee hatutan, maske ohin loron ho sistema patriarkal sei limita feto nia direitu, maibe feto labele lakon vontade maibe hatudu an katak feto bele no hatudu an liu husi involvimentu iha atividade sira, ikus bele atinje mehi neebe mak iha.*

Reportajen: Emerenciana Pinto
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: