Feto Mak Airin Forte Iha Familia

DILI, STLNEWS.co – Feto mak airin forte iha familia tanba feto mak hatene hakiak no fahe domin ba oan no familia sira.

Kestaun nee hatoo husi Prezidente Republika Francisco Guterres Lu Olo liu husi Diskursu Bainhira halo lansamentu Livru Buibere hamriik ba ukun rasik aan iha palasiu PR, Kinta (10/06/2021).

“Liu liu nuudar inan, riin forte neebe fo balansu ba ita ida-idak no tanen família ida-idak atu sai forte no saudavel ba beibeik. Inan hatene hakiak no fahe domin Hatene hametin laran-hakmatek no responsabilidade ba sira-nia oan, ho nunee, ita bele sustenta pas no estabilidade iha ita-nia Rai doben. Prezidente Republika hein katak livru nee sei loke hotu hotu nia neon atu hasae as feto sira, iha aspetu hotu hotu. Sira prova ona katak sira mos halao knaar susesu iha frente luta hotu hotu.” katak Lu Olo.

PR mos hein katak livru nee sei hetan espasu espesial iha biblioteka nasional, Arkivu Nasional Muzeu Rezistensia, Konsellu Kombatentes Libertasaun Nasional, CHEGA no biblioteka instituisaun publika sira-nian no sei tama mos nuudar material estudu, iha eskola hothotu no Universidade sira.

“Enkuantu ita kuda interese nafatin atu haree ba pasadu nuudar fonte inspirasaun ba ohin loron no abanbairua, ita bele hametin ba beibeik ita-nia orgullu pertense ba Rai doben ida nee, ho povu ida ho identidade no istoria ho karaterustika rasik no uniku nuudar atu rekonesimentu no valorizasaun ba esforsu halibur testemuñu liu atus ualo iha Timor-Leste tomak no produs duni obra koletiva ida.

Prezidente Republika deside fo sertifikadu louvor koletivu ida ba Comissão de Pesquisa e Elaboração da História da Luta da Mulher Timor.

“Prezidente Republika tau as obra koletiva Buibere Hamriik Ukun Rasik An Maibe, iha prosesu peskiza, hakerek no produs obra koletiva ida nee, ita hatene katak maluk balun mak dada dalan, organiza, koordena, inspira no kaer metin mehi koletivu nee too nakfila ba realidade.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Harii Federasaun Tenke Prepara Kondisaun

DILI, STLNEWS.co - Sekretariu Estadu Juventude No Desportu (SEJD), hatete harii federasaun tenke prepara mos kondisaun hanesan tenke iha atleta no treinador rasik. Lia hirak...

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...
%d bloggers like this: