Feto-Mane Hamutuk Hetan Felisidade laos Divorsiu

DILI, STLNEWS.co – Feto ho mane hili moris hamutuk ho objetivu dezenvolve familia, iha felisidade harmonia laos ho divorsiu.

Kestaun nee hato’o husi Padre Ricarhado Pasang SVD, liu husi nia refleksaun Biblia, Domingu nee (03/10/2021).

“Felicidade na familia é o objetivo da vida de casado católica. Ema neebe hakarak atu moris hamutuk iha familia ho objetivo atu bele hetan felisidade konjunta. Evanjellu ohin loron fo mensajen forte ba familia katolika, nomos familia hotu – hotu konaba relasaun intima laen no feen ou relasaun intima inan-aman ho oan sira, Fariseu husu ba Jesus mane ruma bele soe nia feen. Tanba tuir ukun fuan Torah, la konese divorsi, exceto adultériu. Maibe, Jesus hatene sira nia intesaun hodi husu perguntas. Sira hakarak koko Jesus deit. Tanba nee, Jesus hatete ba sira katak, tan imi laran toos mak Moizes fo ukun fuan ida nee. Maibe, hori hahu Maromak halo ema, mane no feto, sira nain rua sei sai isin ida deit,” haktuir padre.

Nia afirma, Jesus hakarak fo hanoin katak, mane no feto sai isin ida deit no la iha liafuan divorsiu (inseparavel), ema ida la bele haketak.

Bibi Atan Kreda Katolika nee hatutan, bazeia ba estatistika instituisaun peskiza ida hatudu katak, divorsiu akontese barak liu, bainhira moris nuudar familia husi tinan 6 ate tinan 15 iha sakramentu kazamentu. Husi tinan 0 – 5, relasaun familia laen no feen sei ‘bulan madu’ nakonu ho romantiku, sei hadomi malu metin, sei rei malu, sei bolu amor etc. Maibe, husi tinan 6  – tinan 15, hahu hasoru dezafius, tentasaun, hahu baruk, hahu la komprende malu, fasil sensitivu, hetan presaun moris barak, ladun romantiku etc.*

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...