Feto Tenke Brani Foti Desizaun

DILI, STLNEWS.co – Feto tenke brani foti desizaun ba an rasik, bainhira hetan diskriminasaun ka hetan violensia ruma.

Tuir Veterana Madalena Fernandes da Silva ba STL, liu husi telefone Sabadu nee (02/10/2021) hatete, feto tenke sai madauru liu tan, hodi kapasita nia an no foti desizaun.

Veterana nee dehan, tuir nia komparasaun tempu agora ho tempu uluk diferente tebes, uluk feto barak ladun ativu iha publiku, tanba kesi husi sistema patriarkal, maibe agora iha mudansa.

“Husu atu feto sira kontinua forma an, tenke hatene buat neebe los no buat neebe mak sala no brani foti desizaun ba an,” katak nia.

Madalena hatutan, tuir nia haree no halo komparasaun tempu agora iha diferensia, tanba uluk kesi ho kultura katak feto so iha uma deit, servisu publiku no foti desizaun nee so mane, maibe agora lei garante ona katak, feto ho mane iha direitu neebe mak hanesan.

Nunee mos eis Prezidente Rede Feto Judite dias Ximenes afirma, ohin loron lei garante ona feto nia direitu katak, feto bele partisipa iha atividade hotu, tanba nee husu feto sira tenke kapasitas an, hodi luta ba oin ho mane sira iha prosssu dezenvolvimentu nasional, no tenke maduru hodi foti desizaun ba nia an.*

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...