Cidalia: Feto Tenki Hamriik Hodi Lao Ba Oin

DILI, STLNEWS.co – Espoza Prezidente Republika (PR), Cidalia lopes Nobre Moujinho Guterres hatete, feto tenki hamriik ho forti hodi lao ba oin.

Espoza Prezidente Republika Cidalia lopes hatoo kestaun nee ba jornalista, wainhira remata halo enkontru ho Embaixador Xina iha Palasiu Prezidente Bairru Pite, Segunda (25/04/2022).

“Premeiru feto tenki hamriik forti hodi hateke ba oin, forti nee laos isin mak forti, maibe hanoin forti no prinsipiu forti, ita nia isin tenki nakonu ho buat hotu, laos fiziku deit mak forti para mai tuku malu baku malu lae, maibe feto forti iha aspetu barak tebes,” dehan nia.

Cidalia hatete, tuir dadus mane halo diskriminasaun barak tebes, no iha mos  kazu oin-oin hanesan iha mos violensia, kuaze mane sira mak halo ba feto no ba labarik minoridade sira.

Nia hatutan, Feto Timor Leste forti, tanba iha situasaun difisil feto sira mos forsa no forti hamutuk mane sira hodi luta ba rai nee hetan ukun rasik aan, no ohin loron mos kontribui ona ba nasaun hamutuk mane sira hodi dezenvolve rai nee ba oin, tanba nee feto hamutuk lolo liman ba malu, lian ida deit apoiu malu hodi lao ba oin.

Nunee mos Prezidente Republika Francisco Guterres Lú Olo afirma, sosiedade Timorense presiza duni halo mudansa. Mudansa drastika ba oinsa  haree ba feto. Atu halo ema haree buat neebe seidauk haree. Atu haktuir preseitu konstitusionál no Direitu Internasional konaba igualdade jeneru.

(eme)

LEAVE A REPLY

Please enter your comment!
Please enter your name here

NEWS UPDATE

Profile Padre Francisco Fernandes

Edisaun ohin ita sei ho Padre Francisco Soares Fernandes, ai fuan domin husi aman Domingos Fernandes no inan Isabel Soares, oan ba dala uluk...

Afetadu Covid-19, Horta Nia Amigu Diak Husi Nova Zelandia La Partisipa

DILI, STLNEWS.co - Prezidente eleitu Dr. Jose Ramos Horta hatete, Ministru boot ida husi Nova Zelandia nia kolega diak tinan 30 ona, ministru boot...

Asidente Iha Bekora, Vitima Mate Fatin

DILI, STLNEWS.co – Asidente trafiku kareta tanki tula mina ida husi kompania Realistric Fuel, la iha sapa matrikula ho motor Revo ho sapa matrikula 3668...