FFTL Hili Manufahi Ba Treinamentu Selesaun Nasional Sub 23

DILI, STLNEWS.co – Bainhira governu kontinua estende Konfinamentu Domisiliariu (KD) husi loron 2 fulan Setembru to’o fulan oin, Federasaun Futebol Timor Leste (FFTL), foti desizaun hodi hato’o karta ba Ministeriu Saude, atu husu autorizasaun ba jogador selesaun nasional sub 23 nia viajen ba Munisipiu Manufahi hodi halo treinamentu.

Adjuntu Sekretariu Jeral FFTL, Frederico Martins hatete, foin lalais nee federasaun halo kontaktu ho Munisipiu Bobonaro, atu haruka jogador selesaun nasional sub 23 atu halao treinamentu iha estadiun Malibaka Yamato, maiba kansela tiha, tanba besik liu fronteira nomos distansia husi Dili ba to’o iha neeba dook.

“Ho situasaun ida nee ami kontaktu ba Asosiasaun Futebol Manufahi tanba besik, maibe federasaun sei hein, karik governu kontinua estende tan KD iha Dili ami sei prepara karta ida ba Ministeriu Saude, atu husu autorizasaun ba jogador sira atu halo viajen,” dehan Frederico ba jornalista, iha Bairo Grilos, Tersa (31/08/2021).

Nia hatutan,konaba jogu Liga Futebol Timorense femeninu bele muda orariu, maibe treinamentu ba selesaun nasional labele halo mudansa, tanba kalendariu fiksu husi AFC nian, katak jogu kualifikasi AFC cup sub 23 sei halao iha loron 27 fulan Otuboru tinan2021 iha Singapura.

Tanbá nee  federasaun mos halo ona kontaktu ida ho vocal poin federasaun nia iha Sentru Entregadu Jestaun Krize atu halo teste Swab ba jogador hotu molok halo viajen. Enkuantu kualifikasaun AFC cup sub 23 Timor Leste monu iha grupu H. hanesan Korea Republic, Singapura, Philipina.

iha sorin seluk, Diretora Alta Kompetisaun Sekretaria  Estadu, Juventude, no Desportu (SEJD), Maria Luisa Monteiro mos hatete, relasiona ho karta neebe parte SEJD submete ba iha Ministeriu Saude relasiona ho realizasaun jogu sira, to’o agora seidauk iha resposta husi parte Ministeriu Saude.*

Reportajen: Maria Tavares

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: